പ്രായപൂർത്തിയാകാത്ത പെൺകുട്ടിക്കു നേരെ ലൈം​ഗികാതിക്രമം: പൂജാരിക്ക് അഞ്ചു വർഷം തടവും പിഴയും 

തൊടുപുഴ: ക്ഷേത്ര ദർശനത്തിനെത്തിയ പ്രായപൂർത്തിയാകാത്ത പെൺകുട്ടിക്കു നേരെ ലൈം​ഗികാതിക്രമം നടത്തിയ കേസിൽ പൂജാരിക്ക് അഞ്ച് വർഷം തടവും 18,000 രൂപ പിഴയും വിധിച്ച് കോടതി.

കന്യാകുമാരി കിള്ളിയൂർ പൈൻകുളം അഴംകുളം കുളത്തുവിളൈ വീട്ടിൽ വിപിനെയാണ് (34) കട്ടപ്പന പോക്‌സോ കോടതി ശിക്ഷിച്ചത്. വണ്ടിപ്പെരിയാറിലെ ഒരു ക്ഷേത്രത്തിൽ ജോലി ചെയ്യുമ്പോൾ ദർശനത്തിനെത്തിയ പെൺകുട്ടിയെ ഉപദ്രവിച്ചു എന്നാണ് കേസ്.