ജയിലറെ മർദ്ദിച്ച കേസ്: ആകാശ് തില്ലങ്കേരിയെ കസ്റ്റഡിയിലെടുത്തു

കണ്ണൂർ: ശുഹൈബ് വധക്കേസ് പ്രതി ആകാശ് തില്ലങ്കേരിയെ കാപ്പ ചുമത്തി കസ്റ്റഡിയിലെടുത്തു. വിയ്യൂർ ജയിലിൽ ജയിലറെ മർദ്ദിച്ച കേസിലാണ് നടപടി. മുഴക്കുന്ന് പോലീസ് ആണ് ഇയാളെ കസ്റ്റഡിയിലെടുത്തത്. ആകാശിന്റെ കുട്ടിയുടെ പേരിടൽ ചടങ്ങിനിടെയാണ് കസ്റ്റഡിയിലെടുത്തത്.

Read Also: ഒക്ടോബറോടെ അസമിൽ നിന്ന് അഫ്‌സ്പ നിയമം പൂർണ്ണമായി എടുത്തു കളയും: മുഖ്യമന്ത്രി

ആകാശ് തില്ലങ്കേരി ജയിലിൽ ഫോൺ ഉപയോഗിച്ചെന്ന സംശയത്തെത്തുടർന്ന് ചോദ്യം ചെയ്യാൻ വിളിച്ച അസിസ്റ്റന്റ് ജയിലർ രാഹുലിനെയാണ് മർദ്ദിച്ചത്. വിയ്യൂർ സെൻട്രൽ ജയിലിൽ വെച്ചായിരുന്നു സംഭവം. സെല്ലിന് മുന്നിൽ അകത്തെ ദൃശ്യങ്ങൾ കാണാൻ കഴിയാത്ത വിധം ആകാശ് തുണിവച്ച് മറച്ചിരുന്നത് ചോദ്യം ചെയ്തതും ഫോൺ ഉപയോഗിക്കുന്നുവെന്ന സംശയം പ്രകടിപ്പിച്ചതിലുമുണ്ടായ വിരോധമാണ് ആക്രമണത്തിന് കാരണം.

Read Also: അന്യഗ്രഹജീവികളോ? മെക്‌സിക്കോ സിറ്റിയിൽ നിഗൂഢമായ മനുഷ്യേതര ഫോസിലുകൾ കണ്ടെത്തി