ട്രാ​വ​ൽ ഏ​ജ​ൻ​സി​ക​ളെ ക​ബ​ളി​പ്പി​ച്ച് ല​ക്ഷ​ങ്ങ​ൾ ത​ട്ടി​: തമിഴ്നാട് സ്വദേശി അറസ്റ്റിൽ

ക​ണ്ണൂ​ർ: വി​വി​ധ സ്ഥ​ല​ങ്ങ​ളി​ൽ ട്രാ​വ​ൽ ഏ​ജ​ൻ​സി​ക​ളെ ക​ബ​ളി​പ്പി​ച്ച് ല​ക്ഷ​ങ്ങ​ൾ ത​ട്ടി​യ ത​മി​ഴ്നാ​ട് സ്വ​ദേ​ശി പൊലീസ് പി​ടി​യി​ൽ. ഡി​ണ്ഡി​ഗ​ൽ ജി​ല്ല​യി​ലെ പ​ഴ​നി സ്വ​ദേ​ശി കാ​ർ​ത്തി​ക് പ​ങ്ക​ജാ​ക്ഷ​നെ​യാ​ണ് (30) അറസ്റ്റ് ചെയ്തത്. ടൗ​ൺ സ്റ്റേ​ഷ​ൻ ഇ​ൻ​സ്പെ​ക്ട​ർ പി.​എ. ബി​നു​മോ​ഹ​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം ആണ് അ​റ​സ്റ്റ് ചെ​യ്ത​ത്.

ക​ണ്ണൂ​ർ താ​ണ​യി​ലെ സാ​ന്റാ മോ​ണി​ക്ക ട്രാ​വ​ൽ ​ഏ​ജ​ൻ​സി​ അ​ധി​കൃ​ത​രു​ടെ പ​രാ​തി​യുടെ അടിസ്ഥാനത്തിലാണ് ​പൊ​ലീ​സ് ഇ​യാ​ളെ പി​ടി​കൂ​ടി​യ​ത്. സാ​ൻ​ഫ്രാ​ൻ​സി​സ്കോ​യി​ൽ​ നി​ന്ന് ഡ​ൽ​ഹി​യി​ലേ​ക്ക് അ​ഞ്ചു വി​മാ​ന ടി​ക്ക​റ്റു​ക​ൾ എ​ടു​ത്ത് അ​ഞ്ച​ര ല​ക്ഷം രൂ​പ ന​ൽ​കാ​തെ ക​ബ​ളി​പ്പി​ച്ചു​വെ​ന്ന പ​രാ​തിയിലാണ് അറസ്റ്റ് ചെയ്തത്. ട്രാ​വ​ൽ ഏ​ജ​ൻ​സി​ക​ൾ വ​ഴി വി​ദേ​ശ​ത്തേ​ക്കും തി​രി​ച്ചും വി​മാ​ന ടി​ക്ക​റ്റു​ക​ളെ​ടു​ത്ത് യാ​ത്ര​ക്കാ​ർ​ക്ക് ല​ഭ്യ​മാ​ക്കു​ക​യും ഏ​ജ​ൻ​സി​ക​ൾ​ക്ക് പ​ണ​മ​യ​ച്ച​താ​യി വ്യാ​ജ​രേ​ഖ​ക​ൾ ന​ൽ​കി മു​ങ്ങു​ക​യു​മാ​ണ് ഇ​യാ​ളു​ടെ പതിവ്.

Read Also : തിരുപ്പതി വെങ്കിടേശ്വരന്റെ അനുഗ്രഹം തേടി ഷാരൂഖ് ഖാൻ: ഒപ്പം മകൾ സുഹാനയും നയൻതാരയും കുടുംബവും

സമാന​രീ​തി​യി​ൽ പ​യ്യ​ന്നൂ​ർ, കാ​സ​ർ​​ഗോ‍ഡ്, കോ​ഴി​ക്കോ​ട്, എ​റ​ണാ​കു​ളം, മ​ല​പ്പു​റം, മ​ധു​രൈ എ​ന്നി​വി​ട​ങ്ങ​ളി​ൽ​ നി​ന്നാ​യി 30 ല​ക്ഷം രൂ​പ​യു​ടെ ത​ട്ടി​പ്പ് ന​ട​ത്തി​യ​താ​യി തെ​ളി​ഞ്ഞു. കോ​ഴി​ക്കോ​ട്ട് മാ​ത്രം ആ​റു​പേ​രെയാണ് ഇയാൾ കബളിപ്പിച്ചത്.

കോ​ഴി​ക്കോ​ട് സൈ​ബ​ർ പൊ​ലീ​സ് സ്റ്റേ​ഷ​നി​ൽ ഇ​യാ​ൾ​ക്കെ​തി​രെ കേ​സ് നി​ല​വി​ലു​ണ്ട്. ബി.​ടെ​ക് ബി​രു​ദ​ധാ​രി​യാ​യ കാ​ർ​ത്തി​ക് ന​വി മും​ബൈ കേ​ന്ദ്രീ​ക​രി​ച്ച് ട്രാ​വ​ൽ ഏ​ജ​ൻ​സി​യു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന​യാ​ളാ​ണെ​ന്നും ​​​പൊ​ലീ​സ് പ​റ​ഞ്ഞു.

ക​ണ്ണൂ​രി​ൽ കേ​സ് വ​ന്ന​തോ​ടെ കേ​ര​ള​ത്തി​ൽ​ നി​ന്ന് ര​ക്ഷ​പ്പെ​ട്ട കാ​ർ​ത്തി​ക്, ചാ​ല​ക്കു​ടി​യി​ലെ ഭാ​ര്യ വീ​ട്ടി​ലെ​ത്തി​യ​താ​യി വി​വ​രം ല​ഭി​ച്ച​തി​നെ തു​ട​ർ​ന്നാ​ണ് എ​സ്.​ഐ​മാ​രാ​യ സി.​എ​ച്ച്. ന​സീ​ബ്, സ​വ്യ സ​ച്ചി, സ്ക്വാ​ഡ് അം​ഗ​ങ്ങ​ളാ​യ രാ​ഗേ​ഷ്, നാ​സ​ർ, രാ​ജേ​ഷ് എ​ന്നി​വ​ര​ട​ങ്ങി​യ സം​ഘം പി​ടി​കൂ​ടി​യ​ത്. പ്രതിയെ കോടതിയിൽ ഹാജരാക്കി.