കുറഞ്ഞ നിരക്കിൽ നെറ്റ്ഫ്ലിക്സ് സബ്സ്ക്രിപ്ഷൻ, ജിയോയുടെ ഈ പ്രീപെയ്ഡ് പ്ലാനിനെ കുറിച്ച് അറിയൂ

ഉപഭോക്താക്കൾക്കായി നിരക്ക് കുറഞ്ഞ പ്ലാനുകൾ പുറത്തിറക്കുന്ന ടെലികോം സേവന ദാതാക്കളാണ് റിലയൻസ് ജിയോ. റീചാർജ് പ്ലാനുകൾ ഒടിടി സബ്സ്ക്രിപ്ഷനുകൾ വാഗ്ദാനം ചെയ്യുന്നത് സാധാരണയാണ്. എന്നാൽ, നെറ്റ്ഫ്ലിക്സ് സബ്സ്ക്രിപ്ഷൻ ലഭ്യമാക്കുന്ന പ്ലാനുകൾ താരതമ്യേന കുറവാണ്. ഈ പ്രതിസന്ധിക്ക് പരിഹാരവുമായാണ് റിലയൻസ് ജിയോ പ്ലാനുകളിൽ നെറ്റ്ഫ്ലിക്സ് സബ്സ്ക്രിപ്ഷൻ ആനുകൂല്യം പ്രഖ്യാപിച്ചത്. ഏറ്റവും കുറഞ്ഞ നിരക്കിൽ ലഭിക്കുന്ന ജിയോയുടെ പ്രീപെയ്ഡ് പ്ലാനിനെ കുറിച്ച് അറിയാം.

ഉപഭോക്താക്കൾക്ക് കുറഞ്ഞ നിരക്കിൽ നെറ്റ്ഫ്ലിക്സ് സേവനങ്ങൾ ആസ്വദിക്കാൻ 1099 രൂപയുടെ ജിയോ പ്രീപെയ്ഡ് പ്ലാൻ തിരഞ്ഞെടുക്കാവുന്നതാണ്. ഈ പ്ലാനിന് കീഴിൽ 2 ജിബി പ്രതിദിന ഡാറ്റ, അൺലിമിറ്റഡ് വോയിസ് കോളിംഗ്, പ്രതിദിനം 100 എസ്എംഎസ് എന്നിവയാണ് ലഭിക്കുക. 84 ദിവസമാണ് പ്ലാനിന്റെ വാലിഡിറ്റി. ഈ പ്ലാനിന്റെ അധിക ആനുകൂല്യങ്ങളുടെ ഭാഗമായാണ് നെറ്റ്ഫ്ലിക്സ് സബ്സ്ക്രിപ്ഷൻ ഉൾപ്പെടുത്തിയിട്ടുള്ളത്. ഏറ്റവും പുതിയ സിനിമകൾ ഉൾപ്പെടെ നെറ്റ്ഫ്ലിക്സിൽ എത്തുന്ന കണ്ടന്റുകൾ ആസ്വദിക്കാൻ ഈ ജിയോ പ്ലാൻ അനുവദിക്കുന്നതാണ്.

Also Read: ശ്രീഹരിക്കോട്ടയിലെ കൗണ്ട്ഡൗൺ ശബ്ദം നിലച്ചു: ഐഎസ്ആർഒ ശാസ്ത്രജ്ഞ എൻ.വളർമതിക്ക് വിട