ചാലക്കുടി: നാലു വയസ്സുകാരിക്കു നേരെ ലൈംഗികാതിക്രമം നടത്തിയ കേസിൽ പ്രതിക്ക് 12 വർഷം കഠിനതടവും രണ്ടു ലക്ഷം രൂപ പിഴയും ശിക്ഷ വിധിച്ച് കോടതി. ചെമ്പുച്ചിറ നന്ദിപുലം എൻ.യു. ബൈജുവിനെയാണ് (46) കോടതി ശിക്ഷിച്ചത്. ചാലക്കുടി അതിവേഗ പ്രത്യേക പോക്സോ കോടതി സ്പെഷൽ ജഡ്ജി ഡോണി തോമസ് വർഗീസ് ആണ് ശിക്ഷ വിധിച്ചത്.
2020 ആഗസ്റ്റിലായിരുന്നു കേസിനാസ്പദമായ സംഭവം നടന്നത്. കുട്ടി ആദ്യം സംഭവം ആരോടും പറഞ്ഞില്ല. പിന്നീട് ശാരീരിക ബുദ്ധിമുട്ടുകൾ പറഞ്ഞതിനെ തുടർന്ന് കുട്ടിയെ ചോദ്യംചെയ്തപ്പോഴാണ് ലൈംഗികാതിക്രമം വെളിവായത്.
അതിജീവിതയുടെ പുനരധിവാസത്തിന് മതിയായ നഷ്ടപരിഹാരം ലഭ്യമാക്കാൻ ജില്ല നിയമ സഹായ അതോറിറ്റിക്ക് കോടതി നിർദേശം നൽകി.
Post Your Comments