ഈരാറ്റുപേട്ട: ബൈക്ക് മോഷണക്കേസില്‍ യുവാവ് അറസ്റ്റിൽ. ഇടുക്കി കുമളി പാണംപറമ്പില്‍ അലന്‍ തോമസി(23)നെയാണ് അറസ്റ്റ് ചെയ്തത്. ഈരാറ്റുപേട്ട പൊലീസ് ആണ് അറസ്റ്റ് ചെയ്തത്.
കഴിഞ്ഞ ആറിന് ഈരാറ്റുപേട്ട ചേലച്ചുവട് ഭാഗത്ത് റോഡരികില്‍ പാര്‍ക്ക് ചെയ്തിരുന്ന കൈപ്പള്ളി സ്വദേശിയുടെ പള്‍സര്‍ ബൈക്കാണ് ഇയാൾ മോഷ്ടിച്ചത്.
Read Also : എറണാകുളം ഗവൺമെന്റ് മെഡിക്കൽ കോളേജ് ക്യാമ്പസിൽ അലഞ്ഞു നടന്ന പശുവിനെ വിറ്റു: ജീവനക്കാരൻ അറസ്റ്റില്‍
പരാതിയുടെ അടിസ്ഥാനത്തിൽ ഈരാറ്റുപേട്ട പൊലീസ് കേസ് രജിസ്റ്റര്‍ ചെയ്യുകയും മോഷ്ടാവിനെ തിരിച്ചറിഞ്ഞ് ഇയാളെ എറണാകുളത്തുനിന്നും പിടികൂടുകയുമായിരുന്നു.
ഇയാള്‍ക്കെതിരെ എറണാകുളം ജില്ലയിലെ വാഴക്കുളം സ്റ്റേഷനിലും, ഈരാറ്റുപേട്ട സ്റ്റേഷനിലും മോഷണക്കേസുകളുണ്ടെന്ന് പൊലീസ് പറഞ്ഞു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments