ഡൽഹി: രാജ്യത്തിൻറെ എഴുപത്തിയേഴാമത്‌ സ്വാതന്ത്ര്യദിനാഘോഷം ഓഗസ്റ്റ് 15-ന് ഡൽഹിയിൽ വെച്ച് നടക്കും. അതിന് മുന്നോടിയായുള്ള ഒരുക്കങ്ങൾ അവസാനഘട്ടത്തിലാണ്. ഡൽഹിയിലെ ചെങ്കോട്ടയിൽ ഇന്ന് വിവിധ സേനാവിഭാഗങ്ങളുടെ ഫുൾ ഡ്രസ് റിഹേഴ്സലും സംഘടിപ്പിച്ചിട്ടുണ്ട്. കൂടാതെ ഈ വർഷത്തെ വിവിധ പൊലീസ് മെഡലുകളും, സേനാ മെഡലുകളും ഇന്ന് പ്രഖ്യാപിക്കും.
ഇന്ത്യ – പാക്കിസ്ഥാൻ വിഭജനത്തിന്‍റെ മുറിവുകളുടെ ഓർമദിനമായി ആചരിക്കാൻ ഇന്ന് കേന്ദ്രസർക്കാർ നിർദേശം നല്കിയിട്ടുണ്ട്. ഡൽഹിയിലുൾപ്പടെ വിവിധ സംസ്ഥാനങ്ങളിലായി പ്രദർശനങ്ങളും സെമിനാറുകളും കേന്ദ്രസർക്കാർ സംഘടിപ്പിക്കുന്നുണ്ട്. രാഷ്ട്രപതി ദ്രൗപതി മുർമു വൈകീട്ട് രാജ്യത്തെ അഭിസംബോധന ചെയ്യും.
Post Your Comments