ന്യൂഡല്‍ഹി : സൈനികര്‍ക്കായി അതിശക്തമായ ബുള്ളറ്റ് പ്രൂഫ് ജാക്കറ്റ് ഒരുക്കി ഡല്‍ഹി ഐഐടി. ലോകമെമ്പാടും ഉപയോഗിക്കുന്ന ബുള്ളറ്റ് പ്രൂഫ് ജാക്കറ്റുകളില്‍ നിന്ന് തികച്ചും വ്യത്യസ്തമാണ് ഈ ജാക്കറ്റ്. ഈ ബുള്ളറ്റ് പ്രൂഫ് ജാക്കറ്റിന് ഒരേസമയം 6 സ്നിപ്പര്‍ ഷോട്ടുകള്‍ നേരിടാനുള്ള കഴിവുണ്ട് . സ്നിപ്പര്‍ ഗണ്‍ ഉപയോഗിച്ച് ആരെങ്കിലും ഈ ബുള്ളറ്റ് പ്രൂഫ് ജാക്കറ്റിന് നേരെ വെടിയുതിര്‍ത്താല്‍, 6 ബുള്ളറ്റുകള്‍ വരെ ഈ ജാക്കറ്റ് തടയും .
ലോകത്തെ ഏത് സൈന്യവും ഇപ്പോള്‍ ഉപയോഗിക്കുന്ന ബുള്ളറ്റ് പ്രൂഫ് ജാക്കറ്റുകള്‍ക്ക് മൂന്ന് സ്നൈപ്പര്‍ ഷോട്ടുകള്‍ മാത്രമേ നേരിടാന്‍ കഴിയൂ. അത് യുഎസ് ആര്‍മിയുടെയോ ചൈനയുടെയോ ബുള്ളറ്റ് പ്രൂഫ് ജാക്കറ്റുകളാണെങ്കില്‍ പോലും അവയ്ക്കും മൂന്ന് സ്നിപ്പര്‍ ഷോട്ടുകളെ മാത്രമേ പ്രതിരോധിക്കാനാകൂ . എങ്കിലും, 8 ബുള്ളറ്റുകള്‍ തൊടുത്തുവിട്ടാലും, ബുള്ളറ്റ് പ്രൂഫ് ജാക്കറ്റ് പൂര്‍ണ്ണമായും സുരക്ഷിതമായി തുടരുമെന്ന് പരിശോധനയില്‍ വ്യക്തമായതായി ഐഐടി വൃത്തങ്ങള്‍ വ്യക്തമാക്കി .
ലോകമെമ്പാടും ഇപ്പോള്‍ ഉപയോഗിക്കുന്ന ബുള്ളറ്റ് പ്രൂഫ് ജാക്കറ്റുകളേക്കാള്‍ രണ്ടര കിലോ കുറവാണ് ഈ ജാക്കറ്റിന്റെ ഭാരം. ഡല്‍ഹി ഐഐടിയിലെ പ്രൊഫസര്‍ നരേഷ് ഭട്‌നാഗര്‍ ആണ് ഈ ജാക്കറ്റ് നിര്‍മ്മിച്ചിരിക്കുന്നത്.
Leave a Comment