പേരൂർക്കട: തിരുവനന്തപുരം അന്താരാഷ്ട്ര വിമാനത്താവളത്തില്‍ വ്യാജ ഇന്ത്യന്‍ പാസ്‌പോര്‍ട്ടുമായി എത്തിയ ബംഗ്ലാദേശ് സ്വദേശി പൊലീസ് പിടിയിൽ. ബാര്‍തുര ചിത്തഹോംഗ് സ്വദേശി ആപ്പില്‍ ബറുബ (24) എന്നയാളാണ് പിടിയിലായത്. വലിയതുറ പൊലീസ് ആണ് അറസ്റ്റ് ചെയ്തത്.
Read Also : പുതുപ്പള്ളി ഉപതിരഞ്ഞെടുപ്പ്: ജെയ്ക് സി തോമസ് എന്‍എസ്എസ് ആസ്ഥാനത്ത്, സുകുമാരന്‍ നായരെ കണ്ട് പിന്തുണ തേടി
വെളളിയാഴ്ച രാത്രി 10 മണിയോടുകൂടിയാണ് സംഭവം. സന്തോഷ് റോയി എന്ന വ്യാജ പേരില്‍ ഇന്ത്യന്‍ പാസ്‌പോര്‍ട്ടും രേഖകളും നിര്‍മിച്ച് ആള്‍മാറാട്ടം നടത്തി ശ്രീലങ്കയിലേയ്ക്ക് കടക്കാന്‍ ശ്രമിക്കവെ എമിഗ്രേഷന്‍ അധികൃതരുടെ ശ്രദ്ധയില്‍പ്പെടുകയായിരുന്നു.
തുടര്‍ന്ന് വിമാനത്താവള അധികൃതര്‍ ഇയാളെ തടഞ്ഞുവച്ച് വലിയതുറ പൊലീസിന് കൈമാറുകയായിരുന്നു. പ്രതിയെ കോടതിയില്‍ ഹാജരാക്കി.
Post Your Comments