സംസ്ഥാനത്ത് ഇന്ന് മാറ്റമില്ലാതെ സ്വർണവില

സംസ്ഥാനത്ത് ഇന്ന് സ്വർണവിലയിൽ മാറ്റമില്ല. ഒരു പവൻ സ്വർണത്തിന് 44,120 രൂപയാണ് ഇന്നത്തെ വിപണി വില. ഒരു ഗ്രാം സ്വർണത്തിന് 5,515 രൂപ നിരക്കിലാണ് ഇന്ന് വ്യാപാരം പുരോഗമിക്കുന്നത്. ഇന്നലെ ഉയർന്ന സ്വർണവിലയാണ് ഇന്ന് മാറ്റമില്ലാതെ തുടരുന്നത്. ഇന്നലെ ഒരു പവൻ സ്വർണത്തിന് 160 രൂപയും, ഒരു ഗ്രാം സ്വർണത്തിന് 20 രൂപയും വർദ്ധിച്ചിരുന്നു.

ആഗോളതലത്തിൽ ഉയർച്ചയിലാണ് സ്വർണവ്യാപാരം നടക്കുന്നത്. ട്രോയ് ഔൺസിന് 9.30 ഡോളർ ഉയർന്ന് 1,942.90 ഡോളർ നിലവാരത്തിലാണ് സ്വർണവില ഉള്ളത്. ഈ മാസം തുടക്കം മുതൽ സ്വർണവില ചാഞ്ചാട്ടങ്ങൾക്ക് വിധേയമായിരുന്നു. സ്വർണവില നിശ്ചലമാണെങ്കിലും, വെള്ളി വിലയിൽ വർദ്ധനവ് രേഖപ്പെടുത്തി. ഒരു ഗ്രാം വെള്ളിക്ക് 78.50 രൂപയാണ് ഇന്നത്തെ നിരക്ക്. 8 ഗ്രാം വെള്ളിക്ക് 628 രൂപയും, 10 ഗ്രാം വെള്ളിക്ക് 785 രൂപയുമാണ് വില നിലവാരം.

Also Read: അഞ്ചാം പനിയെ തുരത്താം, ‘മിഷൻ ഇന്ദ്രധനുഷ്-5’ വാക്സിനേഷൻ യജ്ഞം നാളെ മുതൽ ആരംഭിക്കും