കടുത്തുരുത്തി: കനത്തമഴയില്‍ വീട് ഇടിഞ്ഞുവീണ് അപകടം. മാഞ്ഞൂര്‍ പഞ്ചായത്തിലെ രണ്ടാം വാര്‍ഡില്‍പ്പെട്ട വള്ളികാഞ്ഞിരം കോളനിയില്‍ പുല്ലാനിതടത്തില്‍ അമ്മിണി(53)യുടെ വീടാണ് തകര്‍ന്നത്. ഇടിഞ്ഞു വീണ ഭാഗത്തു നിന്ന് പാത്രം കഴുകിക്കൊണ്ടിരുന്ന വീട്ടമ്മ അപകടത്തില്‍ നിന്ന് തലനാരിഴയ്ക്കാണ് രക്ഷപ്പെട്ടത്.
Read Also : വിവാഹിതയായ അഞ്ജു ഭർത്താവ് അറിയാതെ പാകിസ്ഥാനിലേക്ക് പോയത് കാമുകനെ കാണാൻ, കൈയ്യൊഴിഞ്ഞ് കാമുകൻ നസ്റുല്ല
ഇന്നലെ ഉച്ചയ്ക്ക് 12 ഓടെയാണ് സംഭവം. രണ്ടു മുറിയും അടുക്കളയും ഹാളുമുള്ള വീടിന്‍റെ അടുക്കളയുടെ പിന്നിലെ ഭാഗമാണ് ഇടിഞ്ഞുവീണത്. അപകടം നടക്കുന്നതിന് ഏതാനും മിനിറ്റ് മുമ്പാണ് ഇവിടെ നിന്ന് പാത്രങ്ങള്‍ കഴുകുകയായിരുന്ന അമ്മിണി അകത്തെ മുറിയിലേക്ക് കയറിപ്പോയത്.
Read Also : മണിപ്പൂർ വിഷയം; പ്രതികളെന്ന പേരിൽ വ്യാജ ചിത്രം പങ്കുവെച്ച് സിപിഎം പിബി അംഗം സുഭാഷിണി അലി, ഒടുവിൽ മാപ്പ്
ആസ്ബറ്റോസ് ഷീറ്റിട്ട വീട് 20 വര്‍ഷം പഴക്കമുള്ളതാണ്. ഏതുസമയത്തും നിലം പൊത്താറായ അവസ്ഥയിലായിരുന്നു വീട്. അമ്മിണി തനിച്ചാണ് വീട്ടില്‍ താമസിക്കുന്നത്.
Post Your Comments