ലക്‌നൗ: ശ്രീരാമ ജന്മഭൂമിയിലേയ്ക്ക് പ്രധാനമന്ത്രിയെ ക്ഷണിച്ച് ക്ഷേത്ര ട്രസ്റ്റ്. പ്രാൺ-പ്രതിഷ്ഠാ പരിപാടിയിൽ പങ്കെടുക്കാൻ വേണ്ടിയാണ് ക്ഷേത്ര ട്രസ്റ്റ് പ്രധാനമന്ത്രിയെ ക്ഷണിച്ചത്. പ്രധാനമന്ത്രി നരേന്ദ്ര മോദിക്ക് ക്ഷണക്കത്ത് അയച്ചതായി ശ്രീരാമ ജന്മഭൂമി തീർഥ ക്ഷേത്ര ട്രസ്റ്റ് ജനറൽ സെക്രട്ടറി ചമ്പത് റായ് വ്യക്തമാക്കി.
Read Also: അഞ്ജു ഇനി ഫാത്തിമ, പാകിസ്ഥാൻ സ്വദേശി നസ്റുല്ലയെ വിവാഹം ചെയ്തു, ഇസ്‌ലാം മതം സ്വീകരിച്ചു; റിപ്പോർട്ട്
ജനുവരി 15 മുതൽ 24 വരെയാണ് പരിപാടി നടക്കുക. പ്രാൺ പ്രതിഷ്ഠാ പരിപാടിക്കായി ക്ഷേത്രപരിസരത്ത് 10,000 കസേരകൾ സ്ഥാപിക്കാൻ പദ്ധതിയുണ്ടെന്ന് ചമ്പത് റായ് അറിയിച്ചു. ക്ഷേത്രങ്ങളിലെ വിഗ്രഹങ്ങൾ ജയ്പൂരിൽ നിന്ന് വരും. ഈ വിഗ്രഹങ്ങൾക്കായി ട്രസ്റ്റിലെ ആളുകൾ ജയ്പൂരിലേക്ക് പോകുകയാണ്. എല്ലാ ഗ്രാമങ്ങളിലും നഗരങ്ങളിലും പട്ടണങ്ങളിലും ഹോർഡിംഗുകൾ സ്ഥാപിക്കും. 1000 വർഷത്തേക്ക് അറ്റകുറ്റപ്പണികൾ ആവശ്യമില്ലാത്ത തരത്തിലാണ് ക്ഷേത്രത്തിന്റെ എല്ലാ ഭാഗങ്ങളും നിർമ്മിച്ചിരിക്കുന്നതെന്നും അദ്ദേഹം കൂട്ടിച്ചേർത്തു.
Post Your Comments