100W ഫാസ്റ്റ് ചാർജിംഗ് പിന്തുണ, മുൻകൂട്ടി ബുക്ക് ചെയ്യുന്നവർക്ക് ഇയർഫോൺ സൗജന്യം! കിടിലൻ ഹാൻഡ്സെറ്റുമായി ഓപ്പോ എത്തുന്നു

സ്മാർട്ട്ഫോൺ വിപണി കീഴടക്കാൻ കിടിലൻ ഹാൻഡ്സെറ്റുമായി ഓപ്പോ എത്തുന്നു. സ്മാർട്ട്ഫോൺ പ്രേമികൾ ഏറെ ആകാംക്ഷയോടെ കാത്തിരിക്കുന്ന ഓപ്പോ കെ11 സ്മാർട്ട്ഫോണാണ് കമ്പനി പുറത്തിറക്കുന്നത്. ജൂലൈ 27ന് ഓപ്പോ കെ11 ചൈനീസ് വിപണിയിൽ എത്തും. നിലവിൽ, ഈ സ്മാർട്ട്ഫോണുകളുടെ പ്രീ ബുക്കിംഗ് ആരംഭിച്ചിട്ടുണ്ട്. പ്രീ ബുക്ക് ചെയ്യുന്നവർക്ക് ഓപ്പോയുടെ ഇയർഫോണുകൾ സൗജന്യമായി നേടാവുന്നതാണ്.

6.5 ഇഞ്ച് ഫുൾ എച്ച്ഡി പ്ലസ് അമോലെഡ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിരിക്കുന്നത്. 120 ഹെർട്സ് റിഫ്രഷ് റേറ്റ് ലഭ്യമാണ്. ക്വാൽകം സ്നാപ്ഡ്രാഗൺ 782ജി പ്രോസസറാണ് ഈ സ്മാർട്ട്ഫോണുകൾക്ക് കരുത്ത് പകരുന്നത്. 50 മെഗാപിക്സൽ സോണി IMX സെൻസർ ഉണ്ടായിരിക്കുന്നതാണ്. 100W ഫാസ്റ്റ് ചാർജിംഗ് പിന്തുണയാണ് ഓപ്പോ കെ11-ന്റെ പ്രധാന പ്രത്യേകത. 5,000 എംഎഎച്ചാണ് ബാറ്ററി ലൈഫ്. ചൈനീസ് വിപണിയിൽ പുറത്തിറക്കിയ ശേഷം, ഉടൻ തന്നെ ഇന്ത്യൻ വിപണിയിലും ഈ സ്മാർട്ട്ഫോണുകൾ പ്രതീക്ഷിക്കാവുന്നതാണ്. ഇന്ത്യയിൽ ഏകദേശം 22,900 രൂപയോളമാണ് ഓപ്പോ കെ11-ന്റെ വില വരുന്നത്.

Also Read: ഉമ്മൻചാണ്ടിയുടെ ഭൗതികശരീരം വഹിച്ചുള്ള വിലാപയാത്ര, പൊതുദര്‍ശനം: കോട്ടയം ജില്ലയിലെ സ്കൂളുകള്‍ക്ക് നാളെ അവധി