കു​ടും​ബാ​രോ​ഗ്യ കേ​ന്ദ്രം തു​റ​ക്കാ​ൻ വൈ​കി: ഡോ​ക്ട​റടക്കം കാത്തുനിന്നത് മ​ണി​ക്കൂ​റു​ക​ൾ, തുറന്നത് പൂട്ട് തകർത്ത്

ക​ണ്ണ​ന​ല്ലൂ​ർ: തൃ​ക്കോ​വി​ൽ​വ​ട്ടം കു​ടും​ബാ​രോ​ഗ്യ കേ​ന്ദ്രം തു​റ​ക്കാ​ൻ മ​ണി​ക്കൂ​റു​ക​ൾ വൈ​കി​യ​തി​നെ തു​ട​ർ​ന്ന് രോ​ഗി​ക​ൾ വ​ല​ഞ്ഞു. തുടർന്ന്, സം​ഭ​വ​മ​റി​ഞ്ഞെ​ത്തി​യ ജ​ന​പ്ര​തി​നി​ധി​യു​ടെ നേ​തൃ​ത്വ​ത്തി​ൽ കു​ടും​ബാ​രോ​ഗ്യ കേ​ന്ദ്ര​ത്തി​ന്‍റെ പൂ​ട്ടു​ത​ക​ർ​ത്താണ് അകത്ത് കയറിയത്.

Read Also : ഉമ്മൻ ചാണ്ടി ജീവിച്ചിരുന്നപ്പോൾ അദ്ദേഹത്തോട് നെറികേട് കാട്ടി കല്ലെറിഞ്ഞവർ ഇപ്പോൾ കാണിക്കുന്നത് കാപട്യവചനങ്ങൾ: അഞ്ജു

തൃ​ക്കോ​വി​ൽ​വ​ട്ടം കു​ടും​ബാ​രോ​ഗ്യം ആണ് തുറക്കാൻ വൈകിയത്. കേ​ന്ദ്ര​ത്തി​ന്‍റെ താ​ക്കോ​ൽ ര​ണ്ടു ജീ​വ​ന​ക്കാ​രു​ടെ കൈ​യി​ലാ​ണ്. അ​വ​രി​ലൊ​രാ​ൾ ര​ണ്ടു ദി​വ​സ​മാ​യി ലീ​വി​ലാ​ണ്‌. ലീ​വി​ൽ പോ​കു​മ്പോ​ൾ താ​ക്കോ​ൽ സെ​ന്‍റ​റി​ന​ക​ത്തു വ​ച്ചി​ട്ടാ​ണ് പോ​യ​ത്.

മ​റ്റൊ​രാ​ൾ ബ​ലി​ത​ർ​പ്പ​ണ​ത്തി​നാ​യി പോ​യ​താ​ണ് തു​റ​ക്കാ​ൻ ര​ണ്ടു മ​ണി​ക്കൂ​ർ വൈ​കാ​ൻ കാ​ര​ണ​മാ​യ​ത്. രാ​വി​ലെ എ​ട്ടി​ന് ഡോ​ക്ട​റും മ​റ്റ് ജീ​വ​ന​ക്കാ​രും എ​ത്തി​യെ​ങ്കി​ലും തു​റ​ക്കാ​ത്ത​തി​നാ​ൽ വ​ല​ഞ്ഞു. താ​ക്കോ​ൽ കൊ​ണ്ടു​പോ​യ ന​ഴ്സി​ങ്​ അ​സി​സ്റ്റ​ന്‍റി​നെ വി​ളി​ച്ച​പ്പോ​ഴാ​ണ് ബ​ലി​ത​ർ​പ്പ​ണ ച​ട​ങ്ങു​മാ​യി ബ​ന്ധ​പ്പെ​ട്ട് വ​ർ​ക്ക​ല​യി​ലാ​ണെ​ന്ന് പ​റ​ഞ്ഞ​ത്. ജീ​വ​ന​ക്കാ​ര​ൻ വ​രാ​ൻ താ​മ​സി​ക്കു​മെ​ന്ന്​ വ്യ​ക്ത​മാ​യ​തോ​ടെ​യാ​ണ്​ പൂ​ട്ട് പൊ​ളിക്കാൻ തീരുമാനിച്ചത്.