ബജറ്റ് റേഞ്ചിൽ പുതിയ ഹാൻഡ്സെറ്റ് അവതരിപ്പിക്കാൻ ഒരുങ്ങി റിയൽമി, ജൂലൈ 19ന് വിപണിയിലെത്തും

ബജറ്റ് റേഞ്ചിൽ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് സന്തോഷവാർത്തയുമായി എത്തിയിരിക്കുകയാണ് റിയൽമി. ഇത്തവണ റിയൽമി സി53 സ്മാർട്ട്ഫോണുകളാണ് വിപണി കിടക്കാൻ എത്തുന്നത്. ഏറ്റവും പുതിയ റിപ്പോർട്ടുകൾ പ്രകാരം, റിയൽമി സി53 ജൂലൈ 19ന് ഇന്ത്യൻ വിപണിയിൽ അവതരിപ്പിക്കും. ഇതിനു മുൻപ് മലേഷ്യൻ വിപണിയിലാണ് ഈ ഹാൻഡ്സെറ്റ് ആദ്യമായി അവതരിപ്പിച്ചത്. ഇവയുടെ പ്രധാന ഫീച്ചറുകൾ അറിയാം.

90 ഹെർട്സ് റിഫ്രഷ് റേറ്റുളള 6.74 ഇഞ്ച് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിരിക്കുന്നത്. 8 മെഗാപിക്സൽ ക്യാമറ ലഭ്യമാണ്. 18 വാട്സ് ഫാസ്റ്റ് ചാർജിംഗ് പിന്തുണയുള്ള ഈ സ്മാർട്ട്ഫോണുകളുടെ ബാറ്ററി ലൈഫ് 5,000 എംഎഎച്ച് ആണ്. ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തിലാണ് പ്രവർത്തനം. മലേഷ്യൻ വിപണിയിൽ റിയൽമി സി53 സ്മാർട്ട്ഫോണുകളുടെ വില MYR 599 ആണ്. ഇവ ഇന്ത്യൻ രൂപയിലേക്ക് മാറ്റുമ്പോൾ 10,700 രൂപയാണ് വില. അതേസമയം, ഇന്ത്യൻ വിപണിയിൽ ഈ സ്മാർട്ട്ഫോണുകളുടെ യഥാർത്ഥ വില എത്രയായിരിക്കുമെന്നത് സംബന്ധിച്ചുള്ള വിവരങ്ങൾ കമ്പനി പുറത്തുവിട്ടിട്ടില്ല.

Also Read: വ്യാജരേഖ തയ്യാറാക്കി സർക്കാർ ജോലിക്ക് ശ്രമം: കൊല്ലത്ത് യുവതി അറസ്റ്റിൽ