കന്യാകുമാരി: ക്രിസ്തുമതത്തെ അവഹേളിക്കുന്ന തരത്തിൽ ട്വീറ്റ് ചെയ്തു എന്നാരോപിച്ച് സ്റ്റണ്ട് മാസ്റ്റർ കനൽ കണ്ണനെ തമിഴ്‌നാട് പോലീസ് കന്യാകുമാരിയിൽ അറസ്റ്റ് ചെയ്തു. ഡിഎംകെ ഐടി വിംഗിന്റെ ഡെപ്യൂട്ടി ഓർഗനൈസർ ഓസ്റ്റിൻ ബെന്നറ്റ് നൽകിയ പരാതിയുടെ അടിസ്ഥാനത്തിലാണ് അറസ്റ്റ്.
ഒരു പുരോഹിതൻ ഒരു പെൺകുട്ടിയുമായി നൃത്തം ചെയ്യുന്നതിന്റെ കൃത്രിമ വീഡിയോ കനൽ കണ്ണൻ ട്വിറ്ററിൽ പോസ്റ്റ് ചെയ്തതായി ഓസ്റ്റിൻ നൽകിയ പരാതിയിൽ പറയുന്നു. ക്രിസ്തുമതത്തെ അപകീർത്തിപ്പെടുത്താനുള്ള ശ്രമത്തിൽ കനൽ കണ്ണൻ അപകീർത്തികരമായ പരാമർശം ഉൾപ്പെടുത്തിയെന്നും ഓസ്റ്റിൻ ആരോപിച്ചു.
പരാതിയിൽ കേസെടുത്ത സൈബർ ക്രൈം പോലീസ്, തിങ്കളാഴ്ച ചോദ്യം ചെയ്യലിന് ഹാജരാകാൻ കനൽ കണ്ണനോട് ആവശ്യപ്പെട്ടു. ദീർഘ നേരത്തെ ചോദ്യം ചെയ്യലിനൊടുവിലാണ് ഇയാളുടെ അറസ്റ്റ് രേഖപ്പെടുത്തിയത്.
Post Your Comments