വി​ര​മി​ച്ച വി​ല്ലേ​ജ് ഓ​ഫീസ​റി​ൽ​നി​ന്ന്​ കൈ​ക്കൂ​ലി വാ​ങ്ങുന്നതിനിടെ വില്ലേജ് ഫീൽഡ് അ​സി​സ്റ്റ​ന്‍റ്​ അറസ്റ്റിൽ

തി​രു​വ​ന​ന്ത​പു​രം: വി​ര​മി​ച്ച വി​ല്ലേ​ജ് ഓ​ഫീ​സ​റി​ൽ ​നി​ന്ന്​ കൈ​ക്കൂ​ലി വാ​ങ്ങു​ന്ന​തി​നി​ടെ വി​ല്ലേ​ജ് ഫീ​ൽ​ഡ് അ​സി​സ്റ്റ​ന്‍റ്​ വി​ജി​ല​ൻ​സ് പി​ടി​യിൽ. തി​രു​വ​ന​ന്ത​പു​രം മു​ട്ട​ത്ത​റ വി​ല്ലേ​ജ് ഫീ​ൽ​ഡ് അ​സി​സ്റ്റ​ൻ​റ് ഉ​മാ​നു​ജ​നാ​ണ് പിടിയിലായത്.​ 1000 രൂ​പ കൈ​ക്കൂ​ലി വാ​ങ്ങു​ന്ന​തി​നി​ടെയാണ് ഇയാൾ പി​ടി​യി​ലാ​യ​ത്.

Read Also : ജനറൽ പിച്ചേഴ്സ് ഉടമ അച്ചാണി രവി അന്തരിച്ചു: വിടവാങ്ങിയത് സമാന്തര സിനിമയെ പ്രോത്സാഹിപ്പിച്ച നിര്‍മ്മാതാവ്

വ​ലി​യ​തു​റ സ്വ​ദേ​ശി​യും മു​ൻ വി​ല്ലേ​ജ് ഓ​ഫീ​സ​റു​മാ​യ ആൾ നൽകിയ പരാതിയുടെ അടിസ്ഥാനത്തിലാണ് നടപടി. പ​രാ​തി​ക്കാ​ര​ൻ വാ​യ്പ​യെ​ടു​ക്കു​ന്ന​തി​ന്​ ലൊ​ക്കേ​ഷ​ൻ സ​ർ​ട്ടി​ഫി​ക്ക​റ്റ്, കൈ​വ​ശാ​വ​കാ​ശ സ​ർ​ട്ടി​ഫി​ക്ക​റ്റ്, ത​ണ്ട​പ്പേ​ര് എ​ന്നി​വ ല​ഭി​ക്കാ​ൻ വി​ല്ലേ​ജ് ഓ​ഫീ​സി​ൽ അ​പേ​ക്ഷ ന​ൽ​കി​യി​രു​ന്നു. പ​ല​ത​വ​ണ ഓ​ഫീ​സി​ൽ ചെ​ന്നി​ട്ടും സ​ർ​ട്ടി​ഫി​ക്ക​റ്റ് ന​ൽ​കി​യി​ല്ല. വെ​ള്ളി​യാ​ഴ്ച ഓ​ഫീസി​ൽ ചെ​ന്ന പ​രാ​തി​ക്കാ​ര​നോ​ട് ഉ​മാ​നു​ജ​ൻ 1000 രൂ​പ ന​ൽ​കാ​മെ​ങ്കി​ൽ പ​രി​ശോ​ധ​ന​ക്ക്​ ചെ​ല്ലാ​മെ​ന്ന് പ​റ​ഞ്ഞു.

പ​രാ​തി​ക്കാ​ര​ൻ വി​വ​രം വി​ജി​ല​ൻ​സ് തി​രു​വ​ന​ന്ത​പു​രം യൂ​ണി​റ്റ് ഡി​വൈ.​എ​സ്.​പി വി​നോ​ദ് കു​മാ​റി​നെ അ​റി​യി​ച്ചു. വൈ​കു​ന്നേ​രം പ​രാ​തി​ക്കാ​ര​ന്‍റെ വീ​ട്ടി​ൽ വെ​ച്ച് 1000 രൂ​പ വാ​ങ്ങ​വേ വി​ജി​ല​ൻ​സ് സം​ഘം പി​ടി​കൂ​ടുകയായിരുന്നു.