ഇൻഫിനിക്സ് ഹോട്ട് 30 5ജി: ഇന്ത്യയിലെ ലോഞ്ച് തീയതി പ്രഖ്യാപിച്ചു

സ്മാർട്ട്ഫോൺ പ്രേമികളുടെ ഇഷ്ട ലിസ്റ്റിൽ ഇടം പിടിക്കാൻ ഇൻഫിനിക്സിന്റെ പുതിയ ഹാൻഡ്സെറ്റ് വിപണിയിൽ എത്തുന്നു. ആകർഷകമായ ഫീച്ചറോടുകൂടിയ ഇൻഫിനിക്സ് ഹോട്ട് 30 5ജി സ്മാർട്ട്ഫോണാണ് ഇത്തവണ കമ്പനി പുറത്തിറക്കുന്നത്. ദീർഘ നാളത്തെ കാത്തിരിപ്പിനൊടുവിൽ ഈ ഹാൻഡ്സെറ്റുകൾ ജൂലൈ 14ന് ഇന്ത്യൻ വിപണിയിൽ അവതരിപ്പിക്കും. ഹാൻഡ്സെറ്റുമായി ബന്ധപ്പെട്ട കൂടുതൽ വിവരങ്ങൾ കമ്പനി ഇതുവരെ പുറത്തുവിട്ടിട്ടില്ല. പ്രതീക്ഷിക്കാവുന്ന ഫീച്ചറുകൾ എന്തൊക്കെയെന്ന് പരിചയപ്പെടാം.

ഇൻഫിനിക്സ് ഹോട്ട് 30 5ജിയുടെ പിൻ പാനലിൽ ഒരു ഇരട്ട ഫ്ലാഷ് മോഡ്യൂളിനോടൊപ്പം വലിയ ചതുരാകൃതിയിലുള്ള മോഡ്യൂളിനുള്ളിൽ ഡ്യുവൽ ക്യാമറ സജ്ജീകരിക്കുന്നതാണ്. 50 മെഗാപിക്സൽ സെൻസർ നൽകിയേക്കുമെന്നാണ് സൂചന. 33W ഫാസ്റ്റ് ചാർജിംഗിനെ പിന്തുണയ്ക്കുന്ന 6,000 എംഎഎച്ച് ബാറ്ററി ലൈഫ് ഉൾക്കൊള്ളിക്കുന്നതാണ്. പ്രധാനമായും മിയാമി ഓറഞ്ച്, അറോറ ബ്ലൂ, നൈറ്റ് ബ്ലാക്ക്, മിയാമി ഓറഞ്ച് എന്നിങ്ങനെ നാല് കളർ വേരിയന്റുകളിലാണ് ഇൻഫിനിക്സ് ഹോട്ട് 30 5ജി വിപണിയിൽ എത്തുക. ഈ ഹാൻഡ്സെറ്റുകൾക്ക് ഏകദേശം 15,000 രൂപയിൽ താഴെ വില പ്രതീക്ഷിക്കാവുന്നതാണ്.

Also Read: പ്രതീക്ഷകള്‍ അവസാനിച്ചു, ആമസോണ്‍ കാടുകളില്‍ വില്‍സന് വേണ്ടിയുള്ള തെരച്ചില്‍ അവസാനിപ്പിച്ച് സൈന്യം