സംസ്ഥാനത്ത് ഇന്ന് സ്വർണവില ഉയർന്നു, നിരക്കുകൾ അറിയാം

സംസ്ഥാനത്ത് ഇന്ന് സ്വർണവിലയിൽ നേരിയ വർദ്ധനവ്. ഇത് ഒരു പവൻ സ്വർണത്തിന് 160 രൂപയാണ് വർദ്ധിച്ചത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി നിലവാരം 43,320 രൂപയാണ്. തുടർച്ചയായ രണ്ടാം ദിനമാണ് സ്വർണവിലയിൽ ഉയർച്ച രേഖപ്പെടുത്തുന്നത്.

ആഗോള വിപണിയിലെ കയറ്റിറക്കങ്ങളാണ് പ്രാദേശിക സ്വർണവിലയെ സ്വാധീനിക്കുന്ന പ്രധാന ഘടകം. നിലവിൽ, ആഗോള സ്വർണവില 1,919.54 ഡോളർ എന്ന നിലയിലാണ് പുരോഗമിക്കുന്നത്. 24 മണിക്കൂറിനിടയിൽ 10.72 ഡോളറിന്റെ വർദ്ധനവാണ് രേഖപ്പെടുത്തിയിരിക്കുന്നത്. വരും ദിവസങ്ങളിലും സ്വർണവില ഉയരാൻ സാധ്യതയുണ്ടെന്നാണ് വിദഗ്ധരുടെ വിലയിരുത്തൽ.

Also Read: കാത്തിരിപ്പുകൾ നീളുന്നു! വോഡഫോൺ-ഐഡിയ 5ജി ഇനിയും വൈകാൻ സാധ്യത

സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 74.80 രൂപ നിരക്കിലാണ് വ്യാപാരം നടക്കുന്നത്. 8 ഗ്രാം വെള്ളിക്ക് 598.40 രൂപയും, 10 ഗ്രാം വെള്ളിക്ക് 748 രൂപയുമാണ് ഇന്നത്തെ നിരക്ക്.