മംഗളൂരു: യാത്രക്കാരുടെ തിരക്ക് പരിഗണിച്ച് കൊച്ചുവേളിക്കും മംഗളൂരു ജങ്ഷനുമിടയില്‍ അന്ത്യോദയ ട്രെയിന്‍ സര്‍വീസ് നടത്തും. കൊച്ചുവേളിയില്‍ നിന്ന് ഈമാസം 19,26, അടുത്ത മാസം മൂന്ന്,10 എന്നീ തിങ്കളാഴ്ചകളില്‍ രാത്രി 9.25 ന് പുറപ്പെടുന്ന ട്രെയിന്‍ (06649) പിറ്റേന്ന് രാവിലെ 9.15 ന് മംഗളൂരു ജങ്ഷനില്‍ എത്തിച്ചേരും.ഷൊര്‍ണൂര്‍ ജങ്ഷന്‍,തിരൂര്‍, കോഴിക്കോട്, കണ്ണൂര്‍, കാസര്‍കോട് എന്നിവിടങ്ങളില്‍ സ്റ്റോപ്പുണ്ടാവും.
Read Also: ‘ട്രെയിൻമാൻ’ ഇനി അദാനിയുടെ കരങ്ങളിലേക്ക്! ഓഹരികൾ ഉടൻ സ്വന്തമാക്കാൻ സാധ്യത
മടക്ക ട്രെയിന്‍ (06650)ഈ മാസം 20,27, അടുത്ത മാസം നാല്,11 ചൊവ്വാഴ്ചകളില്‍ രാത്രി 8.10 ന് പുറപ്പെട്ട് ബുധനാഴ്ച രാവിലെ എട്ടിന് കൊച്ചുവേളിയില്‍ എത്തിച്ചേരും. 14 ജനറല്‍ കോച്ചുകളും ഒരു ഡിസേബ്ള്‍ഡ് കോച്ചുമാണ് ട്രയിനില്‍ ഉണ്ടാവുക എന്ന് റെയില്‍വേ അധികൃതര്‍ വ്യക്തമാക്കി.
Post Your Comments