ഗാന്ധിനഗര്‍: മൊബൈല്‍ ഫോണ്‍ മോഷ്‌ടിച്ച കേസില്‍ യുവാവ് അറസ്റ്റിൽ. പെരുമ്പായിക്കാട് മള്ളുശേരി പാറയ്ക്കല്‍ സലിമിനെയാണ് (42) അറസ്റ്റ് ചെയ്തത്. ഗാന്ധിനഗര്‍ പൊലീസ് ആണ് അറസ്റ്റ് ചെയ്തത്.
കഴിഞ്ഞദിവസം ആണ് കേസിനാസ്പദമായ സംഭവം. ഇയാള്‍ മാന്നാനം വാരിമുട്ടം ഭാഗത്തുള്ള അറ്റകുറ്റപ്പണി നടന്നുകൊണ്ടിരുന്ന വീട്ടില്‍ കയറി വീടു പണി നടത്തിയിരുന്ന ആളുടെ മൊബൈല്‍ ഫോണ്‍ മോഷ്ടിച്ച് കടന്നുകളയുകയായിരുന്നു.
പരാതിയുടെ അടിസ്ഥാനത്തിൽ ഗാന്ധിനഗര്‍ പോലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു. ഇയാള്‍ക്കെതിരേ കോട്ടയം വെസ്റ്റ്, കുമരകം തുടങ്ങിയ സ്റ്റേഷനുകളില്‍ മോഷണക്കേസുകളുണ്ടെന്ന് പൊലീസ് പറഞ്ഞു.
Post Your Comments