തലശ്ശേരി: കൊടുവള്ളിയില്‍ റെയില്‍വേയുടെ സിഗ്നല്‍ വയര്‍ മുറിച്ചുമാറ്റി മോഷ്ടിക്കാന്‍ ശ്രമിച്ച തമിഴ്‌നാട് സ്വദേശിനി റെയില്‍വേ പൊലീസിന്റെ പിടിയിൽ. തമിഴ്‌നാട് ചിന്നസേലം മാമന്തൂര്‍ വില്ലേജിലെ നോര്‍ത്ത് സ്ട്രീറ്റില്‍ ചിന്നപൊന്നുവിനെയാണ് (48) റെയില്‍വേ പൊലീസ് പിടികൂടിയത്.
ബുധനാഴ്ചയായിരുന്നു സംഭവം. ആക്രിസാധനങ്ങള്‍ ശേഖരിക്കുന്ന സ്ത്രീയാണ് മോഷണശ്രമം നടത്തിയത്. സി.സി.ടി.വി പരിശോധിച്ച് നടത്തിയ അന്വേഷണത്തിലാണ് സ്ത്രീ കുയ്യാലിയില്‍ നിന്ന് പിടിയിലായത്.
ഇൻസ്‌പെക്ടർ ബിനോയ് ആന്റണി, എസ്.ഐ കെ.വി. മനോജ് കുമാർ, ഹെഡ്കോൺസ്റ്റബിൾമാരായ സജേഷ്, ശ്രീരഞ്ജ്, ശ്രുതി എന്നിവരാണ് അന്വേഷണ സംഘത്തിലുണ്ടായിരുന്നത്. സ്ത്രീയെ കോടതിയിൽ ഹാജരാക്കും.
Post Your Comments