സ്വർണവിപണി തണുക്കുന്നു! വിലയിൽ വൻ ഇടിവ്, ഇന്നത്തെ നിരക്കുകൾ അറിയാം

സംസ്ഥാനത്ത് ഇന്ന് സ്വർണവിലയിൽ ഇടിവ്. ഒരു പവൻ സ്വർണത്തിന് ഇന്ന് 280 രൂപയാണ് ഇടിഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,040 രൂപയായി. ഒരു ഗ്രാം സ്വർണത്തിന് 35 രൂപ കുറഞ്ഞ് 5,505-ലാണ് ഇന്ന് വ്യാപാരം പുരോഗമിക്കുന്നത്. ഇതോടെ, ഈ മാസത്തെ ഏറ്റവും താഴ്ന്ന നിരക്കിലാണ് ഇന്ന് സ്വർണവില ഉള്ളത്.

ഇന്നലെ മാറ്റമില്ലാതിരുന്ന സ്വർണവിലയാണ് ഇന്ന് ഇടിഞ്ഞത്. ഈ മാസത്തെ ഏറ്റവും ഉയർന്ന നിരക്കിൽ സ്വർണവില എത്തിയത് ജൂൺ രണ്ടിനായിരുന്നു. അന്ന് ഒരു പവൻ സ്വർണത്തിന് 44,800 രൂപയായിരുന്നു വില. മെയ് 5നാണ് സംസ്ഥാനത്ത് സ്വർണവില റെക്കോർഡ് നിരക്കിൽ എത്തിയത്. ഒരു പവൻ സ്വർണത്തിന് 45,760 രൂപയായിരുന്നു ഒരു പവൻ സ്വർണത്തിന്റെ സർവ്വകാല റെക്കോർഡ് വില.

Also Read: കേരളത്തിലെ സ്വകാര്യ ആശുപത്രിയിലാണ് യുവാവിനെ ബ്രെയിന്‍ ഡെത്തിലേയ്ക്ക് തള്ളിവിട്ട് അവയവങ്ങള്‍ വിദേശിക്ക് കൈമാറിയത്

സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 79.20 രൂപയാണ് വില. 8 ഗ്രാമിന് 633.60 രൂപയും, 10 ഗ്രാമിന് 792 രൂപയും, 100 ഗ്രാമിന് 7,920 രൂപയുമാണ് ഇന്നത്തെ വില നിലവാരം.