കുണ്ടറ: എംഡിഎംഎയുമായി യുവാവ് അറസ്റ്റിൽ. പെരുമ്പുഴ ഹെർക്കുലീസ് കട്ട കമ്പനിക്ക് സമീപം മുകളുവിള വീട്ടിൽ അൽത്താഫിനെയാണ് അറസ്റ്റ് ചെയ്തത്. കുണ്ടറ പൊലീസ് ആണ് പ്രതിയെ അറസ്റ്റ് ചെയ്തത്. അഞ്ചു ഗ്രാം എംഡിഎംഎ ഇയാളിൽ നിന്ന് പിടിച്ചെടുത്തിട്ടുണ്ട്.
കൊല്ലം വടക്കേവിള കൂട്ടാത്തുവിള അൽത്താഫ് മൻസ്സിലിൽ ആയിരുന്നു മുൻപ് താമസിച്ചിരുന്നത്. സ്കൂൾ കോളേജുകൾ തുറന്ന സമയത്ത് പ്രദേശത്ത് മയക്കുമരുന്ന് വിൽപന നടക്കുന്നുണ്ടോ എന്ന് നിരീക്ഷിച്ചു വരികയായിരുന്നു പൊലീസ്. ഇളമ്പള്ളൂർ ക്ഷേത്രത്തിനു സമീപത്ത് നിന്നും കുണ്ടറ പൊലീസ് ഇൻസ്പെക്ടർ രതീഷിന്‍റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. സംഘത്തെ കണ്ട് രക്ഷപ്പെടാൻ ശ്രമിച്ച യുവാവിനെ അതിസാഹസികമായി പിൻതുടർന്ന് പിടികൂടുകയായിരുന്നു.
നിരവധി ക്രിമിനൽ കേസുകളിൽ പ്രതിയാണ് അൽത്താഫെന്ന് പൊലീസ് പറഞ്ഞു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments