ആലപ്പുഴയില്‍ കാറും ഓട്ടോയും കൂട്ടിയിടിച്ച് രണ്ട് മരണം 

ആലപ്പുഴ: ആലപ്പുഴ ചാരുംമ്മൂട്ടിൽ കാറും ഓട്ടോറിക്ഷയും കൂട്ടിയിടിച്ച് രണ്ടു പേർ മരിച്ചു. ഓട്ടോ ഡ്രൈവർ ചുനക്കര തെക്ക് ചോണയത്ത് തമ്പി എന്ന അജ്മൽ, യാത്രക്കാരിയായ ചുനക്കര തെക്ക് രാധാലയത്തിൽ തങ്കമ്മ എന്നിവരാണ് മരിച്ചത്. ഒരാൾക്ക് ഗുരുതര പരിക്കേറ്റു.

കൊല്ലം-തേനി ദേശീയപാതയിൽ ചുനക്കര സർക്കാർ ആശുപത്രിയ്ക്കു സമീപമാണ് അപകടമുണ്ടായത്. നിയന്ത്രണം വിട്ട കാർ ഓട്ടോറിക്ഷയിലിടിക്കുകയായിരുന്നു.