തിരുവനന്തപുരം: കോവളത്ത് വീട്ടിൽ അതിക്രമിച്ചു കയറി പതിനേഴ് വയസുകാരിയെ ഉപദ്രവിച്ച കേസിലെ പ്രതി അറസ്റ്റില്‍. കോവളം പൊലീസ് ആണ് പ്രതിയെ അറസ്റ്റ് ചെയ്തത്. വിഴിഞ്ഞം പൂല്ലൂർ കോണം ലക്ഷ്മി ഭവനിൽ ശരത് (27) ആണ് അറസ്റ്റിലായത്. പെണ്‍കുട്ടിയുടെ വീട്ടുകാരുടെ പരാതിയിലാണ് നടപടി. ഇക്കഴിഞ്ഞ 12-ാം തിയതിയാണ് സംഭവം നടന്നത്.
വീടിന്റ രണ്ടാമത്തെ നിലയിൽ പഠിച്ച് കൊണ്ടിരുന്ന പെൺകുട്ടിയെ പ്രതി വീട്ടിൽ അതിക്രമിച്ച് കയറി ഉപദ്രവിച്ചതെന്ന് പെൺകുട്ടിയുടെ മാതാപിതാക്കൾ നൽകിയ പരാതിയിൽ പറയുന്നു.
കോവളം എസ്എച്ച്ഒ ബിജോയി എസ്, എസ്ഐ അനീഷ് കുമാർ, സിപിഒമാരായ സെൽവൻ, സുധീർ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments