സ്വർണവിപണി തണുക്കുന്നു, സംസ്ഥാനത്ത് സ്വർണവില കുത്തനെ ഇടിഞ്ഞു

സംസ്ഥാനത്ത് ഇന്ന് സ്വർണവില കുത്തനെ ഇടിഞ്ഞു. ഇന്ന് ഒരു പവൻ സ്വർണത്തിന് 360 രൂപയാണ് ഇടിഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 45,040 രൂപയാണ്. ഒരു ഗ്രാം സ്വർണത്തിന് 5,630 രൂപ നിരക്കിലാണ് വ്യാപാരം നടക്കുന്നത്. ആഗോള വിപണിയിലെ വിലയിടിവാണ് പ്രാദേശിക ആഭരണ വിപണിയിൽ പ്രതിഫലിച്ചിട്ടുള്ളത്.

ആഗോള വിപണിയിൽ സ്വർണം ഔൺസിന് 1,991.09 ഡോളർ നിരക്കിലാണ് വ്യാപാരം പുരോഗമിക്കുന്നത്. കഴിഞ്ഞ ദിവസങ്ങളിൽ ഔൺസിന് 2,010 ഡോളറിന് മുകളിൽ നിന്നിരുന്ന സ്വർണവിലയാണ് കുത്തനെ ഇടിഞ്ഞിരിക്കുന്നത്. അതേസമയം, ആഗോള വിപണിയിൽ സ്വർണം തിരിച്ചുകയറ്റത്തിന്റെ സൂചനകൾ നൽകുന്നുണ്ടെന്നാണ് വിദഗ്ധരുടെ അഭിപ്രായം.

Also Read: പൊള്ളലേറ്റു കിടന്ന അഞ്ജുവിനെ ആശുപത്രിയിൽ എത്തിക്കാൻ ഭർത്താവ് ശ്രമിച്ചില്ലെന്ന് ആരോപണം

സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു പവൻ വെള്ളിയുടെ ഇന്നത്തെ വിപണി വില 78.80 രൂപയാണ്. 8 ഗ്രാം വെള്ളിക്ക് 630.40 രൂപയും, 10 ഗ്രാം വെള്ളിക്ക് 788 രൂപയുമാണ് നിരക്ക്. അതേസമയം, വെള്ളി കിലോയ്ക്ക് 78,800 രൂപ നിരക്കിലാണ് വ്യാപാരം പുരോഗമിക്കുന്നത്.