വന്ദേ ഭാരത്: ഈ സ്റ്റേഷനുകൾ എത്തുന്ന സമയം പുതുക്കി നിശ്ചയിച്ചു, മെയ് 19 മുതൽ പ്രാബല്യത്തിൽ

പ്രധാനമന്ത്രി നരേന്ദ്രമോദി ഫ്ലാഗ് ഓഫ് ചെയ്ത വന്ദേ ഭാരത് എക്സ്പ്രസിന്റെ സമയക്രമത്തിൽ നേരിയ മാറ്റം. കൊല്ലം, കോട്ടയം, എറണാകുളം, തൃശ്ശൂർ എന്നീ സ്റ്റേഷനുകളിൽ എത്തുന്ന സമയമാണ് പുതുക്കി നിശ്ചയിച്ചിരിക്കുന്നത്. മെയ് 19 മുതൽ പുതുക്കിയ സമയക്രമം പ്രാബല്യത്തിലാകുന്നതാണ്. നിലവിലുള്ള സമയത്തേക്കാൾ കാസർഗോഡേക്കുള്ള സർവീസിൽ കൊല്ലത്ത് ഒരു മിനിറ്റാണ് വൈകുക. അതേസമയം, കോട്ടയത്ത് ഒരു മിനിറ്റ് നേരത്തെ എത്തുന്നതാണ്. എറണാകുളം ടൗൺ, തൃശ്ശൂർ സ്റ്റേഷനുകളിൽ എട്ട് മിനിറ്റാണ് വൈകി എത്തുക.

തിരുവനന്തപുരത്തേക്കുള്ള സർവീസിൽ തൃശ്ശൂരിൽ 7 മിനിറ്റ് വൈകി എത്തുന്നതാണ്. എറണാകുളത്ത് 12 മിനിറ്റും കോട്ടയത്ത് 10 മിനിറ്റും കൊല്ലത്ത് 12 മിനിറ്റുമാണ് വൈകുക. പുതുക്കിയ സമയക്രമം അനുസരിച്ച്, കാസർഗോഡേക്കുള്ള സർവീസിൽ കൊല്ലം 6.08 മണി, കോട്ടയം 7.24 മണി, എറണാകുളം 8.25 മണി, തൃശ്ശൂർ 9.30 മണി എന്നീ സമയങ്ങളിൽ വന്ദേ ഭാരത് എത്തും. അതേസമയം, തിരുവനന്തപുരത്തേക്കുള്ള സർവീസിൽ തൃശ്ശൂർ 18.10 മണി, എറണാകുളം ടൗൺ 19.17 മണി, കോട്ടയം 20.10 മണി, കൊല്ലം 21.30 മണി എന്നീ സമയങ്ങളിലാണ് വന്ദേ ഭാരത് എത്തുക.

Also Read: ഇ​ല​ക്‌​ട്രി​ക് വ​ര്‍ക്ക്ഷോ​പ്പി​ല്‍ മോഷണം : യുവാവ് പിടിയിൽ