വീ​ട്ടി​ൽ അ​തി​ക്ര​മി​ച്ച് ക​യ​റി യുവാവിനെ കു​ത്തി​ക്കൊ​ല​പ്പെ​ടു​ത്താ​ൻ ശ്ര​മം : പ്രതി അറസ്റ്റിൽ

ക​രു​നാ​ഗ​പ്പ​ള്ളി: സാ​മ്പ​ത്തി​ക ത​ർ​ക്ക​ത്തെ തു​ട​ർ​ന്ന് വീ​ട്ടി​ൽ അ​തി​ക്ര​മി​ച്ച് ക​യ​റി യുവാവിനെ കു​ത്തി​ക്കൊ​ല​പ്പെ​ടു​ത്താ​ൻ ശ്ര​മി​ച്ച കേസിലെ പ്ര​തി ​പൊ​ലീ​സ് പി​ടി​യി​ൽ. ക​ല്ലേ​ലി​ഭാ​ഗം, മു​ഴ​ങ്ങോ​ടി​യി​ൽ, കാ​ട്ടൂ​ർ തെ​ക്ക​തി​ൽ സ​ജി​ലാ​ലാ​ണ് (33) പിടിയിലായത്. ക​രു​നാ​ഗ​പ്പ​ള്ളി പൊ​ലീ​സാണ് പി​ടികൂടി​യ​ത്.

അ​യ​ണി​വേ​ലി​ക്കു​ള​ങ്ങ​ര മീ​ൻ​മു​ക്കി​ന് സ​മീ​പം വാ​ട​ക​യ്ക്ക് താ​മ​സി​ക്കു​ന്ന വി​നീ​ഷ്, ഇ​യാ​ളു​ടെ ബ​ന്ധു​വാ​യ സ​ജി​ലാ​ലി​ൽ​നി​ന്ന് ആ​റ് മാ​സം മു​മ്പ് 10,000 രൂ​പ ക​ട​മാ​യി വാ​ങ്ങി​യി​രു​ന്നു. ഈ ​പ​ണം തി​രി​കെ ന​ൽ​കാ​ത്ത​തി​ലു​ള്ള വി​രോ​ധ​മാ​ണ് അ​ക്ര​മ​ത്തിൽ കലാശിച്ചത്.

Read Also : പുൽവാമയിൽ ആറ് കിലോ സ്ഫോടക വസ്തുക്കൾ കണ്ടെത്തി, ഒഴിവായത് വൻ ദുരന്തം

ക​ഴി​ഞ്ഞ വ്യാ​ഴാ​ഴ്ച വൈ​കീ​ട്ടോ​ടെ പ​ണം തി​രി​കെ ആ​വ​ശ്യ​പ്പെ​ട്ടു​കൊ​ണ്ട് വി​നീ​ഷ് വാ​ട​ക​ക്ക് താ​മ​സി​ക്കു​ന്ന വീ​ട്ടി​ൽ അ​തി​ക്ര​മി​ച്ച് ക​യ​റി​യ പ്ര​തി കൈ​യി​ൽ ക​രു​തി​യി​രു​ന്ന ക​ത്തി​കൊ​ണ്ട് വി​നീ​ഷി​നെ കു​ത്തി​കൊ​ല​പ്പെ​ടു​ത്താ​ൻ ശ്ര​മി​ച്ചു. ഇ​ത് ക​ണ്ട് ത​ട​യാ​ൻ ശ്ര​മി​ച്ച വി​നീ​ഷി​ന്റെ ഭാ​ര്യ സ​ഹോ​ദ​രിയു​ടെ ഭ​ർ​ത്താ​വാ​യ ഉ​ണ്ണി​ക്കൃ​ഷ്ണ​രാ​ജി​നേ​യും പ്ര​തി മാ​ര​ക​മാ​യി കു​ത്തി​പ്പ​രി​ക്കേ​ൽ​പ്പി​ക്കുകയായിരുന്നു.

കു​ത്ത് കൊ​ണ്ട് ആ​ന്ത​രി​കാ​വ​യ​വ​ങ്ങ​ൾ പു​റ​ത്ത് വ​ന്ന് അ​ത്യാ​സ​ന്ന നി​ല​യി​ലാ​യ ഇ​യാ​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. തു​ട​ർ​ന്ന്, ഉ​ണ്ണി​ക്കൃ​ഷ്ണ രാ​ജി​ന്റെ ഭാ​ര്യ​യു​ടെ പ​രാ​തി​യി​ൽ വ​ധ​ശ്ര​മ​ത്തി​ന് കേ​സെ​ടു​ത്ത് അ​ന്വേ​ഷ​ണം ന​ട​ത്തി ക​രു​നാ​ഗ​പ്പ​ള്ളി പൊ​ലീ​സ് പ്ര​തി​യെ അ​റ​സ്റ്റ് ചെ​യ്യു​ക​യാ​യി​രു​ന്നു. പ്രതിയെ കോടതിയിൽ ഹാജരാക്കി.