ഐപിഎൽ മത്സരം കണ്ട് വരുമ്പോള്‍ കാറും ബൈക്കും കൂട്ടിയിടിച്ചു: യുവാവ് മരിച്ചു

കായംകുളം: രാമപുരത്ത് കാറും ബൈക്കും കൂട്ടിയിടിച്ച് യുവാവ് മരിച്ചു. ഇന്ന് പുലര്‍ച്ചെ 5.30 ഓടെ രാമപുരം എൽപി സ്കൂളിന് മുൻപിലാണ് അപകടം ഉണ്ടായത്. രാമപുരം കൊച്ചനാട്ട് വിഷ്ണു ചന്ദ്രശേഖരൻ (30) ആണ് മരിച്ചത്.

സുഹൃത്തുക്കൾക്കൊപ്പം ഇന്നലെ രാത്രി ഐപിഎൽ മത്സരം കാണാൻ പോയതായിരുന്നു. പുലർച്ചെ വീട്ടിലേക്ക് വരും വഴി ദേശീയപാതയിൽ രാമപുരം കായംകുളം റോഡിലേക്ക് ക്രോസ് ചെയ്യുമ്പോഴാണ് ബൈക്കിൽ കാറിടിച്ചത്.

അപകടം നടന്ന ഉടൻതന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല. മൃതദേഹം കായംകുളം താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. മുതുകുളം ക്രിക്കറ്റ് ടീം അംഗമാണ് വിഷ്ണു.