സംസ്ഥാനത്ത് ഇന്ന് സ്വർണവിലയിൽ വൻ വർദ്ധനവ്

സംസ്ഥാനത്ത് ഇന്ന് സ്വർണവിലയിൽ വൻ കുതിച്ചുചാട്ടം. ഒരു പവൻ സ്വർണത്തിന് 640 രൂപയാണ് ഒറ്റയടിക്ക് വർദ്ധിച്ചത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 45,200 രൂപയായി ഉയർന്നു. ഒരു ഗ്രാം സ്വർണത്തിന് 5,650 രൂപ നിരക്കിലാണ് ഇന്ന് വ്യാപാരം നടക്കുന്നത്. ഇന്നലെ ഒരു പവൻ സ്വർണത്തിന് 44,560 രൂപയായിരുന്നു നിരക്ക്.

സംസ്ഥാനത്ത് സ്വർണവില സർവകാല റെക്കോർഡിൽ എത്തിയത് ഏപ്രിൽ 14- നായിരുന്നു. ഒരു പവൻ സ്വർണത്തിന് 45, 320 രൂപയായിരുന്നു അന്നത്തെ നിരക്ക്. സുരക്ഷിത നിക്ഷേപം എന്ന നിലയിൽ നിക്ഷേപകർ സ്വർണത്തിലേക്ക് തിരിഞ്ഞതാണ് വർദ്ധിക്കാനുള്ള പ്രധാന കാരണം. വരും മാസങ്ങളിൽ സ്വർണവില വർദ്ധിക്കാൻ സാധ്യതയുണ്ടെന്നാണ് വിദഗ്ധരുടെ വിലയിരുത്തൽ.

Also Read: ഐപിഎൽ മത്സരം കണ്ട് വരുമ്പോള്‍ കാറും ബൈക്കും കൂട്ടിയിടിച്ചു: യുവാവ് മരിച്ചു

ഇന്ന് വെള്ളിയും ഉയർന്നിട്ടുണ്ട്. ഒരു ഗ്രാം വെള്ളിക്ക് ഇന്ന് 1 രൂപ 30 പൈസയാണ് വർദ്ധിച്ചത്. ഇതോടെ, ഒരു ഗ്രാം വെള്ളിയുടെ വില 81.80 രൂപയായി. 8 ഗ്രാം വെള്ളിയുടെ ഇന്നത്തെ വിപണി വില 654.40 രൂപയാണ്.