കോട്ടയം: ആസാം സ്വദേശിയെ കൊലപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റിൽ. ആസാം ലക്ഷിംപൂര്‍ സ്വദേശിയായ ഭീമാലാല്‍ സാഹു(38)വിനെയാണ് അറസ്റ്റ് ചെയ്തത്. കോട്ടയം ഈസ്റ്റ് പൊലീസ് ആണ് അറസ്റ്റ് ചെയ്തത്.
Read Also : രാജപുരത്ത് 19കാരിയെ വിവാഹ വാഗ്ദാനം നൽകി പീഡിപ്പിച്ചു: ബസ് ഡ്രൈവർ അറസ്റ്റിൽ
കഴിഞ്ഞ ദിവസം ആണ് കേസിനാസ്പദമായ സംഭവം. പൂവന്തുരുത്ത് ഇന്‍ഡസ്ട്രിയല്‍ ഏരിയയില്‍ പ്രവര്‍ത്തിക്കുന്ന റബര്‍ കമ്പനിയിലെ ജോലിക്കാരനായ ആസാം സ്വദേശിയെ ഇയാൾ ഇരുമ്പ് സ്പാനര്‍ ഉപയോഗിച്ച് ആക്രമിച്ച് കൊലപ്പെടുത്താന്‍ ശ്രമിക്കുകയായിരുന്നു. ഒരുമിച്ച് ജോലി ചെയ്തിരുന്ന ഇരുവരും തമ്മില്‍ ഭക്ഷണം പാചകം ചെയ്യുന്നത് സംബന്ധിച്ച് വാക്കുതര്‍ക്കം ഉണ്ടാവുകയും തുടര്‍ന്ന്, ഭീമാലാല്‍ തന്‍റെ കൈയില്‍ കരുതിയിരുന്ന ഇരുമ്പ് സ്പാനര്‍ ഉപയോഗിച്ച് ഇയാളുടെ തലയ്ക്ക് അടിക്കുകയുമായിരുന്നു. ആക്രമണത്തില്‍ ഇയാള്‍ക്ക് ഗുരുതരമായി പരിക്കേറ്റിട്ടുണ്ട്.
പരാതിയുടെ അടിസ്ഥാനത്തിൽ കോട്ടയം ഈസ്റ്റ് പൊലീസ് കേസ് രജിസ്റ്റര്‍ ചെയ്യുകയും ഭീമാലാലിനെ പിടികൂടുകയുമായിരുന്നു. എസ്എച്ച്ഒ യു. ശ്രീജിത്ത്, എസ്‌ഐ എം.എച്ച്. അനുരാജ് എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments