കരിപ്പൂർ: കരിപ്പൂർ വിമാനത്താവളത്തിൽ സ്വർണ്ണവേട്ട. 1165 ഗ്രാം സ്വർണ്ണ സംയുക്തമാണ് കസ്റ്റംസ് പിടിച്ചെടുത്തത്. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തു. മലപ്പുറം മൂന്നിയൂർ പതിയിൽ വിജേഷിനെയാണ് കസ്റ്റംസ് കസ്റ്റഡിയിലെടുത്തത്. ജിദ്ദയിൽ നിന്ന് ഇൻഡിഗോ എയർലൈൻസ് വിമാനത്തിലാണ് ഇയാൾ കോഴിക്കോടെത്തിയത്.
സംഭവവുമായി ബന്ധപ്പെട്ട് ശരീരത്തിനുള്ളിൽ ഒളിപ്പിച്ചുകടത്താൻ ശ്രമിച്ച ഏകദേശം 65 ലക്ഷം രൂപ വിലമതിക്കുന്ന 1165 ഗ്രാം സ്വർണ്ണമിശ്രിതം ഇയാളിൽ നിന്നും പിടിച്ചെടുത്തു. ശരീരത്തിനുള്ളിൽ ഒളിപ്പിച്ച നാലു കാപ്‌സ്യൂളുകളിൽ നിന്നാണ് സ്വർണ്ണ മിശ്രിതം പിടിച്ചെടുത്തത്. ഒരു ലക്ഷം രൂപയ്ക്കു വേണ്ടിയാണ് സ്വർണ്ണക്കടത്ത് നടത്തിയതെന്ന് ഇയാൾ പോലീസിനോട് സമ്മതിച്ചു.
Post Your Comments