ഇസ്ലാമാബാദ്: പാകിസ്ഥാനിൽ മണ്ണിടിച്ചിൽ. ഖൈബർ ചുരത്തിലാണ് മണ്ണിടിച്ചിലുണ്ടായത്. 8 പേരാണ് മരണപ്പെട്ടിരിക്കുന്നത്. 20- ഓളം ട്രക്കുകൾ മണ്ണിനടിയിൽ കുടുങ്ങിക്കിടക്കുന്നതായാണ് റിപ്പോർട്ട്. മരണസംഖ്യ ഇനിയും ഉയരാൻ സാധ്യതയുണ്ടെന്ന് ഖൈബർ ജില്ലാ ഡെപ്യൂട്ടി കമ്മീഷണർ അബ്ദുൾ നസിർ ഖാൻ അറിയിച്ചു.
കഴിഞ്ഞ ദിവസം പുലർച്ചെ രണ്ട് മണിയോടെയാണ് ഖൈബർ ചുരത്തിൽ മണ്ണിടിഞ്ഞ് വീണത്. വിവരം പുറത്തു വന്നതിന് പിന്നാലെ അധികൃതർ രക്ഷാ പ്രവർത്തനം ആരംഭിച്ചു. ദീർഘനേരത്തെ തിരച്ചിലിനൊടുവിലാണ് മൃതദേഹങ്ങൾ കണ്ടെത്തിയത്. മരണപ്പെട്ടവരിൽ രണ്ടു പേർ അഫ്ഗാൻ സ്വദേശികളാണ്.
Post Your Comments