ഗു​ണ്ടാ ല​ഹ​രി ​മാ​ഫി​യ​യു​ടെ ആ​ക്രമ​ണം: മൂ​ന്നു പേ​ർ​ക്ക് കു​ത്തേ​റ്റു, ക്വ​ട്ടേ​ഷ​ൻ കൊ​ടു​ത്ത​ത് 15-​കാ​ര​ൻ

മം​ഗ​ല​പു​രം: മം​ഗ​ല​പു​ര​ത്ത് വീ​ണ്ടും ഗു​ണ്ടാല​ഹ​രി ​മാ​ഫി​യ​യു​ടെ ആ​ക്ര​ണത്തിൽ മൂന്നുപേർക്ക് പരിക്കേറ്റു. ആ​ന​താ​ഴ്ച്ചി​റ ല​ക്ഷംവീ​ട് കോള​നി സ്വ​ദേ​ശി​ക​ളാ​യ നി​സാ​മു​ദീൻ (19), സ​ജി​ൻ (19), സ​നീ​ഷ് (21), നി​ഷാ​ദ് (19) എ​ന്നി​വ​ർ​ക്കാ​ണ് കുത്തേറ്റത്. സംഭവവുമായി ബന്ധപ്പെട്ട് മം​ഗ​ല​പു​രം സ്വ​ദേ​ശി​ക​ളാ​യ ഷെ​ഹി​ൻ (26), അ​ഷ്റ​ഫ് (24) എ​ന്നി​വ​രെ​യാ​ണ് പൊ​ലീ​സ് പി​ടി​കൂ​ടി​യ​ത്.

ശ​നി​യാ​ഴ്ച രാ​ത്രി ഏ​ഴ​ര മ​ണി​യോ​ടു​കൂ​ടി കൊ​യ്ത്തൂ​ർ​ക്കോ​ണം വെ​ള്ളൂ​ർ പ​ള്ളി​യ്ക്ക് സ​മീ​പ​മാ​ണ് മൂ​ന്നം​ഗ സം​ഘം നാ​ലു പേ​രെ ആ​ക്ര​മി​ച്ച​ത്. ​ഇതി​ൽ മൂ​ന്നുപേ​ർ​ക്ക് ക​ത്തി കൊ​ണ്ട് കു​ത്തേ​ൽ​ക്കു​ക​യാ​യി​രു​ന്നു. കു​ത്തേ​റ്റ നി​സാ​മു​ദ്ദീ​ൻ മെ​ഡി​ക്ക​ൽ കോ​ളജി​ലെ തീ​വ്ര പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​ണ്.

Read Also : ശാ​രീ​രി​ക ബ​ന്ധ​ത്തി​ന് വി​സ​മ്മ​തി​ച്ചോ​ടെ കൈയും കാലും കട്ടിലിലും ജനലിലും കെട്ടിയിട്ടു ക്രൂരത: ഫാത്തിമയെ കൊന്നത്…

പ്ര​തി​ക​ളി​ൽ ര​ണ്ടു​പേ​രെ മം​ഗ​ല​പു​രം പൊ​ലീ​സ് പി​ടി​കൂ​ടി. കാ​പ്പ ക​ഴി​ഞ്ഞു പു​റ​ത്തി​റ​ങ്ങി​യ പ്ര​തി​ക​ളാ​ണ് അ​ക്ര​മത്തിനു പിന്നിൽ. അ​ഷ്റ​ഫി​ന്‍റെ സ​ഹോ​ദ​ര​ൻ അ​ൻ​സ​റി​നെ പി​ടി​കൂ​ടാ​നു​ണ്ട്. പ​ള്ളി​യി​ൽ നി​ന്നും നോ​മ്പു​തു​റ​ന്നു തി​രി​കെ പോ​കു​ന്ന​തി​നി​ട​യി​ലാ​യി​രു​ന്നു മൂ​ന്നുപേ​ർ​ക്ക് കു​ത്തേ​റ്റ​ത്. ക​ളി​സ്ഥ​ല​ത്തുണ്ടായ ത​ർ​ക്ക​മാ​ണ് ആ​ക്ര​മ​ണ​ത്തി​ൽ ക​ലാ​ശി​ച്ച​ത്.

വെ​ള്ളൂ​ർ സ്വ​ദേ​ശി​യാ​യ പ​തി​ന​ഞ്ചു വ​യ​സു​കാ​ര​നാ​ണ് ക്വ​ട്ടേ​ഷ​ൻ കൊ​ടു​ത്ത​തെ​ന്ന് പോ​ലീ​സ് പ​റ​ഞ്ഞു. അ​ക്ര​മം ന​ട​ത്തു​ന്ന​തി​നുമു​മ്പ് പ്ര​തി​ക​ൾ ഓ​ട്ടോ ഡ്രൈ​വ​റാ​യ സി​ദ്ധി​ഖി​നെ (44) മ​ർദി ​ക്കു​ക​യും പ​ണ​വും മൊ​ബൈ​ൽ ഫോ​ണും തട്ടിയെടുക്കുകയും ചെയ്തു. പ​രി​ക്കേ​റ്റ പ​ന​വൂ​ർ സ്വ​ദേ​ശി സി​ദ്ദീ​ഖ് ചി​കി​ത്സ തേ​ടി. കോടതിയിൽ ഹാജരാക്കിയ പ്രതികളെ റി​മാ​ൻ​ഡ് ചെ​യ്തു.