തിരുവനന്തപുരം: ശ്രീകാര്യം ചെക്കാലമുക്കിൽ കരിയം കരിമ്പുകോണം ദേവീ ക്ഷേത്രത്തിലെ ഉത്സവ ഘോഷയാത്രയ്ക്കിടെ ആന വിരണ്ടോടി. സംഭവത്തെ തുടര്‍ന്ന് അഞ്ച് പേർക്ക് പരിക്ക് പറ്റി. ചെക്കാലമുക്ക് ജംഗ്ഷനിൽ വച്ച് രാത്രി പത്തേമുക്കാലോടെയാണ് സംഭവം. അച്ചു (30) വിഷ്ണുവർദ്ധൻ (12), സന്ധ്യ (35), കെസിയ (19), സോനു (28 ) എന്നിവര്‍ക്കാണ് പരിക്ക് പറ്റിയത്.
കാഞ്ഞിരക്കാട്ട് ശേഖരൻ എന്ന ആനയാണ് വിരണ്ടത്. അൽപദൂരം ഓടി എങ്കിലും ആനയെ ഉടൻ തന്നെ തളച്ചു.
ഘോഷയാത്ര കാണാൻ കൂടി നിന്നതിൽ ഒരാൾ മദ്യപിച്ച ആനയുടെ വാലിൽ പിടിച്ചതാണ് ആന വിരളാൻ കാരണമെന്ന് സംഘാടകർ പറഞ്ഞു. പരിക്കേറ്റവരെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്ന് പൊലീസ് പറഞ്ഞു.
Post Your Comments