‘സഭയുടെ വിയർപ്പിലും വോട്ടിലും മന്ത്രിയായ വീണാ ജോർജ് മൗനം വെടിയണം’: ആരോഗ്യമന്ത്രിക്കെതിരെ ഓർത്തഡോക്സ് പോസ്റ്ററുകൾ

പത്തനംതിട്ട: പത്തനംതിട്ടയിലെ വിവിധ പള്ളികളിൽ ആരോഗ്യമന്ത്രി വീണാ ജോർജിനെതിരെ പോസ്റ്ററുകൾ. സഭാ തർക്കത്തിൽ വീണാ ജോർജ് മൗനം വെടിയണമെന്നും മുഖ്യമന്ത്രി പിണറായി വിജയന്‍ നീതി നടപ്പിലാക്കണമെന്നുമാണ് പോസ്റ്ററിലുള്ളത്. ‘ സഭയുടെ വിയർപ്പിലും വോട്ടിലും മന്ത്രിയായ വീണാ ജോർജ് മൗനം വെടിയണം ‘ എന്നാണ് പോസ്റ്റർ. ഓർത്തഡോക്സ് യുവജനമാണ് പോസ്റ്ററുകളുടെ പിന്നിൽ.

സഭാ തർക്കം പരിഹരിക്കാൻ സർക്കാർ കൊണ്ടുവരുന്ന ചർച്ച് ബിലുമായി ബന്ധപ്പെട്ട് ഓർത്തഡോക്സ് സഭയുടെ പ്രതിഷേധത്തി​ന്റെ ഭാ​ഗമാണ് ഇത്തരത്തിലെ പോസ്റ്ററുകളുടെ പിന്നിലെ കാരണം. ഓർത്തഡോക്‌സ് യുവജനം എന്ന പേരിലാണ് പോസ്റ്റർ പതിപ്പിച്ചിരിക്കുന്നത്. പിണറായി വിജയൻ നീതി നടപ്പിലാക്കണമെന്നും പോസ്റ്ററിലുണ്ട്. ഇന്നലെ അർധരാത്രിയിൽ പത്തനംതിട്ട ജില്ലയിലെ വിവിധ പള്ളികളിലാണ് പോസ്റ്റർ പ്രത്യക്ഷപ്പെട്ടത്.