പെരുമ്പാവൂർ: യുവതിയെ കെഎസ്ആർടിസി ബസിൽ വച്ച് ശല്യം ചെയ്ത ആൾ പൊലീസ് പിടിയിൽ. പല്ലാരിമംഗലം മാവുടിയിൽ താമസിക്കുന്ന പേഴക്കാപ്പിള്ളി അമ്പലത്തറയിൽ സുനിലിനെ(48)യാണ് അറസ്റ്റ് ചെയ്തത്. പെരുമ്പാവൂർ പൊലീസ് ആണ് ഇയാളെ അറസ്റ്റ് ചെയ്തത്.
ഈ മാസം 26-ന് വൈകിട്ട് കോട്ടയം – പാലക്കാട് കെഎസ്ആർടിസി ബസിൽ ആണ് സംഭവം. യുവതിയുടെ പരാതിയുടെ അടിസ്ഥാനത്തിൽ പെരുമ്പാവൂർ പൊലീസ് നടത്തിയ അന്വേഷണത്തിൽ കോതമംഗലം അടിവാട് ഭാഗത്തുനിന്ന് ഇയാളെ പിടികൂടുകയായിരുന്നു.
സമാന സംഭവത്തിന് എറണാകുളം സെൻട്രൽ പൊലീസ് സ്റ്റേഷനിൽ ഇയാൾക്കെതിരെ കേസുണ്ട്. ഇൻസ്പെക്ടർ ആർ. രഞ്ജിത്ത്, എസ്ഐമാരായ റിൻസ് എം.തോമസ്, എം.കെ.അബ്ദുൾ സത്താർ, എസ്‌‌‌സിപിഒമാരായ പി.എ.അബ്ദുൾ മനാഫ്, സി.കെ.മീരാൻ, ജിഞ്ചു കെ.മത്തായി തുടങ്ങിയവരാണ് അന്വേഷണ സംഘത്തിലുണ്ടായിരുന്നത്. പ്രതിയെ കോടതിയിൽ ഹാജരാക്കി.
Post Your Comments