മ​ല​പ്പു​റ​ത്ത് ക​ഞ്ചാ​വും ഹാ​ഷി​ഷ് ഓ​യി​ലുമായി മൂന്ന് യുവാക്കൾ അറസ്റ്റിൽ

പൊ​ന്നാ​നി: ആ​ന്ധ്ര​യി​ൽ നി​ന്ന് വി​ൽ​പ​ന​ക്കാ​യി മ​ല​പ്പു​റ​ത്തെ​ത്തി​ച്ച ക​ഞ്ചാ​വും ഹാ​ഷി​ഷ് ഓ​യി​ലുമായി മൂന്ന് യുവാക്കൾ പൊ​ലീ​സ് പി​ടി​യിൽ. പൊ​ന്നാ​നി ന​രി​പ്പ​റ​മ്പ് സ്വ​ദേ​ശി​ക​ളാ​യ തു​റ​ക്ക​ൽ അ​സ്‌​ക​ർ (42), അ​യ്യ​പ്പ​ൻ​ക​ള​ത്തി​ൽ ആ​ഷി​ക് (34), പെ​രു​ന്ത​ല്ലൂ​ർ സ്വ​ദേ​ശി ക​ണ​ക്ക​ന്നൂ​ർ സ​ൽ​മാ​ൻ (28) എ​ന്നി​വ​രാ​ണ് പൊ​ലീ​സ് പി​ടി​യി​ലാ​യ​ത്.

നാ​ലു​കി​ലോ ക​ഞ്ചാ​വും ഹാ​ഷി​ഷ് ഓ​യി​ലു​മാ​ണ് ഇ​വ​രി​ൽ നി​ന്ന് പിടിച്ചെടു​ത്ത​ത്. ആ​ന്ധ്ര​യി​ൽ നി​ന്ന് ജി​ല്ല​യി​ൽ വ​ൻ​തോ​തി​ൽ മ​യ​ക്കു​മ​രു​ന്ന് എ​ത്തി​ക്കു​ന്ന​താ​യി ജി​ല്ലാ പൊ​ലീ​സ് മേ​ധാ​വി സു​ജി​ത് ദാ​സി​ന് ല​ഭി​ച്ച ര​ഹ​സ്യ വി​വ​രം ലഭിച്ചിരുന്നു. ഇതിന്റെ അ​ടി​സ്ഥാ​ന​ത്തി​ൽ തി​രൂ​ർ ഡി​വൈ.​എ​സ്.​പി കെ.​എം. ബി​ജു​വി​ന്റെ നി​ർ​ദ്ദേ​ശ​പ്ര​കാ​രം പൊ​ന്നാ​നി പൊലീ​സ് ഇ​ൻ​സ്‌​പെ​ക്ട​ർ വി​നോ​ദ് വ​ലി​യ​റ്റൂ​രി​ന്റെ നേ​തൃ​ത്വ​ത്തി​ൽ പൊ​ന്നാ​നി എ​സ്.​ഐ ന​വീ​ൻ ഷാ​ജ്, എ.​എ​സ്.​ഐ പ്ര​വീ​ൺ, സീ​നി​യ​ർ സി​വി​ൽ പൊ​ലീ​സ് ഓ​ഫീ​സ​ർ​മാ​രാ​യ അ​നി​ൽ വി​ശ്വ​ൻ, സാ​ജു​കു​മാ​ർ, ഉ​ദ​യ​ൻ സി​വി​ൽ പൊ​ലീ​സ് ഓ​ഫീ​സ​ർ സു​ധീ​ഷ്, മ​നു, ര​ഘു എ​ന്നി​വ​രും തി​രൂ​ർ ഡാ​ൻ​സാ​ഫ് സ്‌​ക്വാ​ഡും ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്.

Read Also : കരിപ്പൂർ വിമാനത്താവളത്തിൽ രണ്ടു കിലോയോളം സ്വർണവും 8 ലക്ഷം രൂപയുടെ വിദേശ കറൻസിയും കസ്റ്റംസ് പിടികൂടി

പി​ടി​യി​ലാ​യ പ്ര​തി​ക​ളി​ൽ അ​സ്‌​ക്ക​ർ പൊ​ന്നാ​നി പൊ​ലീ​സി​ന്റെ റൗ​ഡി ലി​സ്റ്റി​ൽ ഉ​ള്ള​യാ​ളും മു​മ്പ് മ​യ​ക്കു​മ​രു​ന്ന്, മോ​ഷ​ണ കേ​സി​ലും മാ​ര​കാ​യു​ധം പി​ടി​കൂ​ടി​യ കേ​സി​ലും മ​റ്റും ഉ​ൾ​പ്പെ​ട്ട​യാ​ളാ​ണ്. ആ​ഷി​ക് മോ​ഷ​ണ കേ​സി​ൽ അ​സ്കറി​ന്റെ കൂ​ട്ടു​പ്ര​തി​യു​മാ​ണ്.

ജി​ല്ല​യി​ലേ​ക്ക് മ​യ​ക്കു​മ​രു​ന്ന് എ​ത്തി​ക്കു​ന്ന​വ​രും, വി​ത​ര​ണ​ക്കാ​രു​മാ​യ കൂ​ടു​ത​ൽ ക​ണ്ണി​ക​ളെ കു​റി​ച്ച് വി​വ​രം ല​ഭി​ച്ചി​ട്ടു​ണ്ടെ​ന്നും അ​വ​രെ ​കു​റി​ച്ച് അ​ന്വേ​ഷ​ണം ന​ട​ത്തി​വ​രു​ന്നു​ണ്ടെ​ന്നും പൊ​ലീ​സ് അ​റി​യി​ച്ചു. പി​ടി​യി​ലാ​യ പ്ര​തി​ക​ളെ പൊ​ന്നാ​നി കോ​ട​തി​യി​ൽ ഹാ​ജ​രാ​ക്കും.