കോരുത്തോട്: കാണാതായ മധ്യവയസ്കനെ കുളത്തിൽ മരിച്ച നിലയിൽ കണ്ടെത്തി. കോരുത്തോട് പാണ്ടിമാക്കൽ പരേതനായ പി.എ. ജോണിന്‍റെ മകൻ മാത്യു ജോണിനെ (സജി-53) ആണ് കുളത്തിൽ മരിച്ച നിലയിൽ കണ്ടെത്തിയത്. ചണ്ണപ്ലാവ് മുല്ലംകുഴിയിൽ ബേബിച്ചന്‍റെ പുരയിടത്തിലെ കുളത്തിലാണ് മൃതദേഹം കണ്ടത്.
ശനിയാഴ്ച മുതൽ മാത്യുവിനെ കാണാനില്ലായിരുന്നു. ബന്ധുക്കളും സുഹൃത്തുക്കളും നടത്തിയ തെരച്ചിലാണ് കുളത്തിന് സമീപം ചെരിപ്പ് കാണപ്പെട്ടത്. തുടർന്ന്, നടത്തിയ പരിശോധനയിലാണ് കുളത്തിൽ നിന്നു മൃതദേഹം കണ്ടെടുത്തത്. കാഞ്ഞിരപ്പള്ളിയിൽ നിന്നു ഫയർഫോഴ്സും മുണ്ടക്കയം പൊലീസും സ്ഥലത്തെത്തിയാണ് മൃതദേഹം പുറത്തെടുത്തത്.
Read Also : സിലിക്കൺ വാലി ബാങ്ക് തകർച്ച: ഇന്ത്യൻ ബാങ്കിംഗ് സംവിധാനത്തിൽ ആഘാതം ഉണ്ടാക്കില്ലെന്ന് വിദഗ്ധർ
പൊലീസ് നടപടികൾക്ക് ശേഷം മൃതദേഹം മുണ്ടക്കയത്തെ സ്വകാര്യ ആശുപത്രിയിലേക്ക് മാറ്റി. പോസ്റ്റുമോട്ടത്തിനു ശേഷമേ മരണകാരണം വ്യക്തമാകുകയുള്ളൂവെന്നും അന്വേഷണം നടത്തി വരികയാണെന്നും മുണ്ടക്കയം പൊലീസ് അറിയിച്ചു.
സംസ്കാരം ഇന്ന് കോരുത്തോട് സെന്‍റ് മേരീസ് യാക്കോബ പള്ളിയിൽ നടക്കും. മാതാവ്: മറിയാമ്മ ജോൺ. ഭാര്യ കുഞ്ഞുമോൾ. മക്കൾ: മരിയ, നിമ്മി, എലിസബത്ത്.
Post Your Comments