കോട്ടയം: സ്‌ഫോടകവസ്തുക്കൾ റോഡിൽ ഉപേക്ഷിച്ച നിലയിൽ കണ്ടെത്തി. കോട്ടയത്ത് പാലായിലാണ് സംഭവം. കാർമ്മൽ ജംഗ്ഷന് സമീപത്താണ് സ്‌ഫോടക വസ്തുക്കൾ കണ്ടെത്തിയത്.
മൂന്ന് കോയിൽ വെടിമരുന്ന് തിരിയും മുപ്പത്തഞ്ചോളം പശയും നൂറ്റിമുപ്പതോളം കെപ്പും മോണാസ്ട്രി റോഡ് സൈഡിൽ ഉപേക്ഷിച്ച നിലയിൽ കണ്ടെത്തുകയായിരുന്നു. പാറ ക്വാറിയിൽ ഉപയോഗിക്കുന്ന രീതിയിലുള്ളതാണ് സ്‌ഫോടക വസ്തുക്കൾ. വഴി വൃത്തിയാക്കാൻ എത്തിയ തൊഴിലുറപ്പ് തൊഴിലാളികളാണ് സ്‌ഫോടക വസ്തുക്കൾ ആദ്യം കണ്ടത്. തുടർന്ന് തൊഴിലുറപ്പ് തൊഴിലാളികൾ വിവരം പോലീസിനെ അറിയിക്കുകയായിരുന്നു. പോലീസ് സംഭവ സ്ഥലത്തെത്തി പരിശോധന നടത്തി. സ്‌ഫോടക വസതുക്കൾ എങ്ങനെയാണ് റോഡിലെത്തിയതെന്ന് കണ്ടെത്താനായി അന്വേഷണം ആരംഭിച്ചതായി പോലീസ് അറിയിച്ചു.
Post Your Comments