ഇപ്പോൾ സ്വർണം വാങ്ങാം, വില വീണ്ടും കുത്തനെ ഇടിഞ്ഞു

സംസ്ഥാനത്ത് ഇന്ന് സ്വർണവിലയിൽ വീണ്ടും ഇടിവ്. ഇന്ന് ഒരു പവൻ സ്വർണത്തിന് 80 രൂപയാണ് കുറഞ്ഞത്. ഇതോടെ, പവൻ സ്വർണത്തിന്റെ വിപണി വില 40,720 രൂപയാണ്. അതേസമയം, ഒരു ഗ്രാം സ്വർണത്തിന് 5,090 രൂപയാണ് വില. തുടർച്ചയായ രണ്ടാം ദിവസമാണ് സ്വർണവിലയിൽ ഇടിവ് രേഖപ്പെടുത്തുന്നത്. അന്താരാഷ്ട്ര വിപണിയിൽ വില ഇടിഞ്ഞതോടെയാണ് ആഭ്യന്തര വിപണിയിലും പ്രതിഫലിച്ചത്.

ഇന്നലെ ഒരു പവൻ സ്വർണത്തിന് 520 രൂപ ഒറ്റയടിക്ക് കുറഞ്ഞിരുന്നു. ഇന്നും വില ഇടിഞ്ഞതോടെ ഈ മാസത്തെ ഏറ്റവും താഴ്ന്ന നിരക്കിലാണ് സ്വർണത്തിന്റെ വ്യാപാരം ഇപ്പോൾ നടക്കുന്നത്. ഡിസംബറിലും ജനുവരിയിലും സ്വർണവില ഉയർന്നെങ്കിലും, ഫെബ്രുവരിയിൽ ചാഞ്ചാടുകയായിരുന്നു.

Also Read: ഭർത്താവ് മുത്തലാഖ് ചൊല്ലി ബന്ധം വേർപ്പെടുത്തി: തുള്ളിച്ചാടി യുവതി – വീഡിയോ

സംസ്ഥാനത്ത് ഇന്ന് വെളളി വിലയിൽ മാറ്റമില്ല. ഒരു ഗ്രാം വെള്ളിക്ക് ഇന്ന് 67.50 രൂപയിലാണ് വ്യാപാരം നടക്കുന്നത്. 8 ഗ്രാം വെളളിക്ക് 540 രൂപയാണ് ഇന്നത്തെ നിരക്ക്. അതേസമയം, ഒരു കിലോഗ്രാം വെള്ളിയുടെ വില 67,400 രൂപയാണ്.