ന്യൂഡൽഹി: വരുംവർഷം കേരളത്തിലും ബിജെപി സർക്കാരുണ്ടാക്കുമെന്ന പ്രഖ്യാപനവുമായി പ്രധാനമന്ത്രി നരേന്ദ്ര മോദി. ഒരു സംസ്ഥാനത്ത് ഗുസ്തി, ഒരിടത്ത് ദോസ്തി എന്ന നിലപാട് കേരളത്തിലെ ജനങ്ങൾ കാണുന്നുണ്ടെന്ന് അദ്ദേഹം വ്യക്തമാക്കി. വടക്കുകിഴക്കൻ സംസ്ഥാനങ്ങളിലെ തെരഞ്ഞെടുപ്പ് വിജയത്തെ കുറിച്ചും അദ്ദേഹം പ്രതികരിച്ചു.
Read Also: അടുക്കളയിൽ കയറിയ വീട്ടമ്മ കണ്ടത് ഇഴഞ്ഞ് കയറിവരുന്ന വമ്പൻ രാജവെമ്പാലയെ; മാനന്തവാടിയിൽ സംഭവിച്ചത്
കഠിന പ്രയത്‌നത്തിന്റെ ഫലമാണ് തെരഞ്ഞെടുപ്പ് വിജയം. വടക്കുകിഴക്കൻ സംസ്ഥാനങ്ങൾ ഡൽഹിയിൽ നിന്നും തങ്ങളുടെ മനസിൽ നിന്നും ഇപ്പോൾ അകലെയല്ല. വടക്കുകിഴക്കൻ സംസ്ഥാനങ്ങളും തമ്മിൽ പാലം പണിയാനായി. ജനങ്ങൾക്ക് ജനാധിപത്യത്തിലുള്ള വിശ്വാസം വ്യക്തമാക്കുന്നതാണ് തെരഞ്ഞെടുപ്പ് ഫലമെന്ന് അദ്ദേഹം അഭിപ്രായപ്പെട്ടു. വടക്ക് കിഴക്കൻ സംസ്ഥാനങ്ങളിലെ ജനങ്ങൾക്ക് അദ്ദേഹം നന്ദി അറിയിക്കുകയും ചെയ്തു.
മാറ്റത്തിന്റെ സമയമാണിത്. ഒരു സംസ്ഥാനത്ത് ഗുസ്തി ഒരിടത്ത് ദോസ്തി എന്നത് കേരളത്തിലെ ജനങ്ങൾ കാണുന്നുണ്ട്. വടക്ക് കിഴക്കൻ സംസ്ഥാനങ്ങളിലെ വിജയം കേരളത്തിലും ആവർത്തിക്കുമെന്നും പ്രധാനമന്ത്രി കൂട്ടിച്ചേർത്തു.
Post Your Comments