ഓട്ടോറിക്ഷ ഇടിച്ച് ട്രാഫിക് പൊലീസ് ഉദ്യോ​ഗസ്ഥൻ മരിച്ചു, ഓടി രക്ഷപ്പെട്ട ഡ്രൈവറെ പിടികൂടി

ബെം​ഗളൂരു: ബെം​ഗളൂരു ബസവേശ്വര സർക്കിളിൽ അമിതവേഗതയിലെത്തിയ ഓട്ടോറിക്ഷ ഇടിച്ച് ട്രാഫിക് പൊലീസ് ഉദ്യോ​ഗസ്ഥൻ മരിച്ചു.

ഹൈഗ്രൗണ്ട്സ് ട്രാഫിക് പൊലീസ് സ്‌റ്റേഷനിലെ അസി. സബ് ഇൻസ്‌പെക്ടർ എം നാഗരാജുവാണ് (52) മരിച്ചത്. ഹൈ പോയിന്റ് അപ്പാർട്ട്‌മെന്റ് കെട്ടിടത്തിന് സമീപം വാഹനഗതാഗതം നിയന്ത്രിക്കുന്നതിനിടെയാണ് അപകടമുണ്ടായത്.

ആശുപത്രിയിൽ എത്തിച്ചെങ്കിലും പിന്നീട് മസ്തിഷ്ക മരണം സ്ഥിരീകരിച്ചു. മൃതദേഹം പോസ്റ്റ്‌മോർട്ടത്തിന് ശേഷം വീട്ടുകാർക്ക് വിട്ടുകൊടുത്തു. അപകടത്തിന് ശേഷം ഓട്ടോ ഡ്രൈവർ ശിവകുമാറിനെ ഓടി രക്ഷപ്പെട്ടെങ്കിലും പൊലീസ് പിടികൂടി.