കോഴിക്കോട്: വീട്ടിലെ കിണറ്റിൽ അജ്ഞാത മൃതദേഹം കണ്ടെത്തി. പന്നിക്കോട്ടൂർ വീട്ടിൽ മുഹമ്മദിന്റെ വീട്ടിലാണ് അജ്ഞാതന്റെ ജഡം കണ്ടത്. വെള്ളത്തിന് ദുർഗന്ധം അനുഭവപ്പെട്ടതിനെ തുടർന്ന്, കിണർ പരിശോധിച്ചപ്പോഴാണ് മൃതദേഹം കണ്ടത്.
കോഴിക്കോട് നരിക്കുനിക്ക് സമീപം ഇന്ന് രാവിലെയാണ് സംഭവം. വെള്ളത്തിന് ദുർഗന്ധം അനുഭവപ്പെട്ട് വീട്ടുകാർ കിണർ പരിശോധിച്ചപ്പോഴാണ് മൃതദേഹം കണ്ടെത്തിയത്.
തുടർന്ന്, കൊടുവള്ളി പൊലീസിനെയും നരിക്കുനി അഗ്നിരക്ഷാ സേനയെയും വിവരം അറിയിച്ചു. ഇരു സംഘവും സ്ഥലത്തെത്തി. അഗ്നിരക്ഷാ സേന കിണറ്റിൽ നിന്ന് മൃതദേഹം പുറത്തെടുത്തു. മരിച്ചതാരെന്ന് തിരിച്ചറിഞ്ഞിട്ടില്ല.
മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി. സംഭവത്തിൽ, വിശദമായ അന്വേഷണം നടത്തുമെന്ന് കൊടുവള്ളി പൊലീസ് അറിയിച്ചു.
Post Your Comments