തിരുവല്ല: സ്കൂൾ വിദ്യാർത്ഥി മണിമലയാറ്റിൽ മുങ്ങിമരിച്ചു. തിരുമൂലപുരം സെന്‍റ് തോമസ് ഹയർ സെക്കൻഡറി സ്കൂൾ ഒമ്പതാം ക്ലാസ് വിദ്യാർത്ഥിയും തുകലശേരി ഐക്കാട് പ്ലാംന്തറ താഴ്ചയിൽ പി.എം. അബ്ദുൾ സലാമിന്‍റെയും നജീറയുടെയും മകനുമായ ആസിഫ് മുഹമ്മദാ(14)ണ് മരിച്ചത്.
മണിമലയാറ്റിലെ നാറാണത്ത് കടവിൽ ഇന്നലെ വൈകുന്നേരം 4.30ഓടെ ആയിരുന്നു സംഭവം. സ്കൂളിൽ നിന്നു വീട്ടിലെത്തിയ ശേഷം സുഹൃത്തായ മാലിക് മുഹമ്മദ് ഹസിനുമായി ഒന്നിച്ച് കടവിൽ കുളിക്കാൻ പോയ ആസിഫ് വെള്ളത്തിൽ ഇറങ്ങിയപ്പോൾ കയത്തിൽ അകപ്പെടുകയായിരുന്നു.
വിദ്യാർത്ഥികളുടെ കരച്ചിൽ കേട്ടെത്തിയ നാട്ടുകാരും സംഭവം അറി‍ഞ്ഞെത്തിയ അഗ്നിശമനസേന വിഭാഗവും കൂടി തെരച്ചിൽ നടത്തിയാണ് മൃതദേഹം കണ്ടെടുത്തത്.
മൃതദേഹം പൊലീസ് നടപടികൾക്ക് ശേഷം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി.
Post Your Comments