വീ​ട് പണയത്തിന് ന​ൽ​കാ​മെ​ന്ന് പ​റ​ഞ്ഞ് ത​ട്ടി​പ്പ് : പ്രതി അറസ്റ്റിൽ

പേ​രൂ​ർ​ക്ക​ട: വീ​ട് പണയത്തിന് ന​ൽ​കാ​മെ​ന്ന് പ​റ​ഞ്ഞ് ത​ട്ടി​പ്പ് ന​ട​ത്തി​യ കേ​സി​ലെ പ്ര​തി പി​ടി​യി​ൽ. കാ​ഞ്ഞി​രം​പാ​റ ശാ​സ്ത​മം​ഗ​ലം രാ​മ​നി​ല​യം വീ​ട്ടി​ൽ ശ്രീ​കു​മാ​ര​ൻ ത​മ്പി (58) ആ​ണ് അറസ്റ്റ​ലാ​യ​ത്.

തി​രു​വ​ന​ന്ത​പു​രം സ്വ​ദേ​ശി​യാ​യ ഗോ​പ​കു​മാ​ർ പേ​രൂ​ർ​ക്ക​ട പോ​ലീ​സി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് അറസ്റ്റ്. അ​ന്വേ​ഷ​ണം ന​ട​ന്നു​വ​രു​ന്ന​തി​നി​ടെ അ​ഞ്ചു പേ​ർ സ്റ്റേ​ഷ​നി​ൽ പ​രാ​തി​യു​മാ​യി എ​ത്തിയിരുന്നു. ഇ​തി​നെ​ല്ലാം പൊ​ലീ​സ് കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്.

Read Also : ഇന്ത്യയിൽ നിന്നുള്ള തേയില കയറ്റുമതിയിൽ മുന്നേറ്റം തുടരുന്നു, ഏറ്റവും പുതിയ കണക്കുകൾ അറിയാം

ഒ​എ​ൽ​എ​ക്സ് വ​ഴി​യാ​ണ് പ്ര​തി ത​ട്ടി​പ്പ് ന​ട​ത്തി​വ​ന്നി​രു​ന്ന​ത്. ഒ​എ​ൽ​എ​ക്സി​ലെ പ​ര​സ്യം ക​ണ്ട് വി​ളി​ക്കു​ന്ന​വ​രെ വീ​ട് ന​ൽ​കാ​മെ​ന്ന് പ​റ​ഞ്ഞ് എ​ഗ്രി​മെ​ന്‍റ് എ​ഴു​തി വാ​ങ്ങു​ക​യും എ​ന്നാ​ൽ അ​ത് ര​ജി​സ്റ്റ​ർ ചെ​യ്യാ​തെ ത​ട്ടി​പ്പു ന​ട​ത്തു​ക​യാ​യി​രു​ന്നു. പ​ണം ന​ഷ്ട​പ്പെ​ട്ട​വ​ർ സ്റ്റേ​ഷ​നി​ൽ പ​രാ​തി​യു​മാ​യി എ​ത്തു​മ്പോ​ൾ തു​ക​യു​ടെ പ​കു​തി​യോ​ളം ഭാ​ഗം ഇ​യാ​ൾ തി​രി​കെ ന​ൽ​കു​ക​യും ബാ​ക്കി ത​വ​ണ​ക​ളാ​യി ന​ൽ​കാ​മെ​ന്ന് പ​റ​യു​ക​യും ചെ​യ്താ​ണ് കേ​സ് ഒ​ഴി​വാ​ക്കി​ക്കൊ​ണ്ടി​രു​ന്ന​ത്.

ഇ​യാ​ൾ വ​ർ​ഷ​ങ്ങ​ളാ​യി ത​ട്ടി​പ്പ് ന​ട​ത്തി​വ​ന്നി​രു​ന്ന​താ​യാ​ണ് സൂ​ച​ന. പ​രാ​തി​ക​ളു​ടെ അ​ടി​സ്ഥാ​ന​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ൽ ഇ​യാ​ൾ താ​മ​സി​ച്ചു വ​ന്ന സ്ഥ​ല​ത്തു​നി​ന്ന് നി​ര​വ​ധി രേ​ഖ​ക​ൾ പൊ​ലീ​സ് പി​ടി​ച്ചെ​ടു​ത്തു. പ്ര​തി​യു​ടെ ബാ​ങ്ക് അ​ക്കൗ​ണ്ടു​ക​ളെ പ​റ്റി അ​ന്വേ​ഷ​ണം ന​ട​ത്തി​വ​രി​ക​യാ​ണ് കൂ​ടു​ത​ൽ പേ​ർ പ​രാ​തി​യു​മാ​യി എ​ത്താ​നാ​ണ് സാ​ധ്യ​ത​യെ​ന്ന് പൊലീ​സ് പ​റ​ഞ്ഞു. അ​റ​സ്റ്റി​ലാ​യ പ്ര​തി​യെ കോ​ട​തി​യി​ൽ ഹാ​ജ​രാ​ക്കി.