വൈക്കം: വീട് വാടകയ്ക്ക് എടുത്ത് നല്‍കുന്നതിനെ ചൊല്ലി തർക്കത്തെ തുടർന്ന് വയോധികനെ ആക്രമിച്ച കേസില്‍ യുവാവ് അറസ്റ്റിൽ. ഉദയനാപുരം നാനാടം കൊല്ലേരി വെട്ടുവഴി കണ്ണനെ( കുയില്‍-32)യാണ് അറസ്റ്റ് ചെയ്തത്. വൈക്കം പൊലീസ് ആണ് യുവാവിനെ അറസ്റ്റ് ചെയ്തത്.
Read Also : 10 മിനിറ്റിൽ 3 ക്വാര്‍ട്ടര്‍ വാറ്റ് തീര്‍ക്കണമെന്ന് സുഹൃത്തുക്കളുടെ വെല്ലുവിളി; 45കാരന് ദാരുണാന്ത്യം
കഴിഞ്ഞ 12നു വൈകുന്നേരം ആറരയോടെയാണ് കേസിനാസ്പദമായ സംഭവം. ഇയാള്‍ നാനാടം കൊല്ലേരി മുക്ക് ഭാഗത്ത് വെച്ച് വയോധികനെ ആക്രമിക്കുകയായിരുന്നു. ഇരുവരും തമ്മില്‍ വീട് വാടകയ്ക്ക് എടുത്ത് നല്‍കുന്നതിനെ ചൊല്ലി പ്രശ്‌നങ്ങളുണ്ടായിരുന്നു. ഇതിന്‍റെ പേരില്‍ കൊല്ലേരി മുക്ക് ഭാഗത്തുവച്ച് ഇരുവരും തമ്മില്‍ വാക്ക് തര്‍ക്കം ഉണ്ടാവുകയും കണ്ണന്‍ ഇയാളെ ആക്രമിക്കുകയുമായിരുന്നു.
സംഭവത്തിനുശേഷം ഇയാള്‍ ഒളിവില്‍ പോയ പ്രതിയെ എസ്‌ഐ അജ്മല്‍ ഹുസൈന്‍, സിപിഒമാരായ സാബു, ശിവദാസ പണിക്കര്‍, അജേന്ദ്രന്‍ എന്നിവർ ചേർന്നാണ് പിടികൂടിയത്. പ്രതിയെ കോടതിയിൽ ഹാജരാക്കി.
Post Your Comments