ഗാന്ധിനഗര്‍: വീട്ടില്‍ അതിക്രമിച്ചുകയറി ഗൃഹനാഥനെ കൊലപ്പെടുത്താന്‍ ശ്രമിച്ച കേസില്‍ ഒരാളെ പൊലീസ് പിടിയിൽ. പെരുമ്പായിക്കാട് നട്ടാശേരി വായനശാല ഭാഗത്ത് ഊമ്പക്കാട്ട് പ്രമോദി(47)നെയാണ് അറസ്റ്റ് ചെയ്തത്. ഗാന്ധിഗര്‍ പൊലീസ് ആണ് ഇയാളെ അറസ്റ്റ് ചെയ്തത്.
കഴിഞ്ഞ 11-നു രാത്രിയാണ് കേസിനാസ്പദമായ സംഭവം. ഇയാള്‍ വായനശാല ഭാഗത്തുള്ള സുമേഷിന്‍റെ വീട്ടില്‍ അതിക്രമിച്ചുകയറി കറികത്തി കൊണ്ട് സുമേഷിനെ കുത്തിക്കൊലപ്പെടുത്താന്‍ ശ്രമിക്കുകയായിരുന്നു. മദ്യപാനിയായ പ്രമോദിനെ കുറച്ചു ദിവസങ്ങള്‍ക്ക് മുമ്പ് സുമേഷ് ചികിത്സയ്ക്കായി കൊണ്ടുപോയതിനുള്ള വിരോധം മൂലമാണ് ഇയാള്‍ സുമേഷിനെ ആക്രമിച്ചത്.
പരാതിയുടെ അടിസ്ഥാനത്തിൽ ഗാന്ധിനഗര്‍ പൊലീസ് കേസ് രജിസ്റ്റര്‍ ചെയ്തു ഇയാളെ പിടികൂടുകയായിരുന്നു. ഇയാള്‍ക്കെതിരെ ഗാന്ധിനഗര്‍ സ്റ്റേഷനില്‍ രണ്ട് അടിപിടി കേസുകളുണ്ട്. പ്രതിയെ കോടതിയിൽ ഹാജരാക്കി.
Post Your Comments