കുമരകം: കർഷകനെ പാടത്തെ ചാലിൽ വീണ് മരിച്ച നിലയിൽ കണ്ടെത്തി. കുമരകം പത്തുപങ്കിൽ പുന്നച്ചിറ കുഞ്ഞൂഞ്ഞുകുട്ടി (രാജപ്പൻ -65) നെയാണ് പാടത്ത് മരിച്ച നിലയിൽ കണ്ടെത്തിയത്.
വെളിയത്ത് ചെമ്മായിക്കരി പാടത്ത് വി.എം. കാനാലിനു സമീപം ഇന്നലെ വെെകുന്നേരം 4.30 ഓടെയാണ് ഇയാളെ മരിച്ച നിലയിൽ കണ്ടെത്തിയത്. ഭാര്യയോടൊപ്പം പാടത്തു വന്ന് തിരികെ പോകുന്നതിനിടയിലാണ് സംഭവം. ഭാര്യയോട് താൻ മീൻകൂട് പൊക്കിയിട്ടു വരാമെന്നു പറഞ്ഞു കുറച്ചു സമയം കഴിഞ്ഞിട്ടും കാണാത്തതിനെ തുടർന്ന് തിരികെ എത്തിയ ഭാര്യയാണ് കർഷകനെ ചാലിൽ വീണു കിടക്കുന്നതായി കണ്ടത്. ഉടൻ തന്നെ ആശുപത്രിയിലെത്തിച്ചെങ്കിലും മരിച്ചിരുന്നു.
മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറി. ഭാര്യ: ശാന്തമ്മ. മക്കൾ : ശ്യാം, രേഷ്മ. മരുമകൻ : രമേശൻ.
Post Your Comments